បាល់ទាត់ពិភពលោក២០១៨៖ អ្នកគាំទ្របាល់ទាត់គ្រប់ប្រទេសមកប្រមូលផ្តុំគ្នានៅមូស្គូ (វីដេអូ)
ការប្រកួតបាល់ទាត់ ដណ្តើមពានរង្វាន់ពិភពលោក (World Cup 2018) ចាប់ផ្តើមបើកធ្វើ នៅថ្ងៃព្រហស្បតិ៍ ១៤មិថុនានេះ នៅក្នុងប្រទេសរុស្ស៊ី។ ការប្រកួតនឹងមានរយៈពេល១ខែ ពោលគឺ រហូតដល់ថ្ងៃទី១៥កក្កដា ដែលជាថ្ងៃប្រកួតផ្តាច់ព្រាត់។ តាំងពីមុនពេលបើកការប្រកួត អ្នកគាំទ្របាល់ទាត់បាននាំគ្នាមកប្រមូលផ្តុំគ្នាយ៉ាងអ៊ូអរ នៅពេញទីក្រុងមូស្គូរួចជាស្រេចទៅហើយ។
ចុះផ្សាយនៅថ្ងៃ៖ កែប្រែថ្ងៃទី៖
នៅក្នុងរយៈពេល ១ខែនេះ ក្រុមបាល់ទាត់ជម្រើសជាតិ មកពីប្រទេសចំនួន ៣២ ចែកចេញជា ៨ពូល នឹងធ្វើការប្រកួតគ្នា ដើម្បីអាចក្លាយជាជើងឯកបាល់ទាត់ពិភពលោកឆ្នាំ២០១៨។
ដូចទម្លាប់ដែលធ្លាប់ធ្វើតាំងពីដើមមក ក្រុមជម្រើសជាតិនៃប្រទេសម្ចាស់ផ្ទះ ពោលគឺរុស្ស៊ី ជាអ្នកប្រកួតបើកឆាក ដោយត្រូវជួបជាមួយក្រុមជម្រើសជាតិអារ៉ាប៊ីសាអ៊ូឌីត នៅម៉ោង ៦ល្ងាច ម៉ោងនៅទីក្រុងម៉ូស្គូ (ត្រូវនឹងម៉ោង ១០យប់ នៅប្រទេសកម្ពុជា)។
ក្រុមជម្រើសជាតិអេស្ប៉ាញ ដែលទើបនឹងបានបញ្ឈប់គ្រូបង្វឹកពីតំណែង កាលពីថ្ងៃពុធនេះ នឹងត្រូវប្រកួតជាមួយព័រទុយហ្កាល់ នៅថ្ងៃសុក្រ ១៥មិថុនា វេលាម៉ោង ៩យប់ (ត្រូវនឹងម៉ោង ១រំលងអធ្រាតឈានចូលថ្ងៃសៅរ៍ នៅប្រទេសកម្ពុជា)។ ចំណែកក្រុមជម្រើសជាតិបារាំងនឹងត្រូវចាប់ផ្តើមការប្រកួតរបស់ខ្លួន ដោយជួបជាមួយអូស្រ្តាលី នៅថ្ងៃសៅរ៍ ១៦មិថុនា វេលាម៉ោង ១រសៀល (ត្រូវនឹងម៉ោង ៥ល្ងាច នៅប្រទេសកម្ពុជា)។
លោកអ្នកអាចចូលមើល កាលវិភាគនិងលទ្ធផលប្រកួត ព្រមទាំង ចំណាត់ថ្នាក់ក្រុមក្នុងពូលនីមួយៗ នៅលើវេបសាយរបស់យើង។
នៅក្នុងទីក្រុងម៉ូស្គូ បណ្តាអ្នកគាំទ្របាល់ទាត់មកពីគ្រប់ប្រទេស បាននាំគ្នាមកប្រមូលផ្តុំគ្នាយ៉ាងអ៊ូអររួចជាស្រេច តាំងពីពេលដែលពិធីបើកការប្រកួតជាផ្លូវការនៅមិនទាន់ចាប់បើកធ្វើមកម៉្លេះ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ