ស្តាប់ ថតទុក Podcast
  • 00h00 - 01h00 GMT
    កម្មវិធីព័ត៌មាន 20/06 00h00 GMT
  • 06h00 - 07h00 GMT
    កម្មវិធីព័ត៌មាន 20/06 06h00 GMT
  • 12h00 - 13h00 GMT
    កម្មវិធីព័ត៌មាន 20/06 12h00 GMT
អាមេរិក

កូរ៉េខាងត្បូង​ប្រតិកម្មខ្លាំង​ចំពោះ​ការកំណត់​ពន្ធថ្មីរបស់អាមេរិក

media លោកត្រាំចុះហត្ថលេខាការដាក់ពន្ធនាំចូលលើប្រភេទផលិតផលម៉ាស៊ីនបោកខាអាវ នៅវ៉ាស៊ីនតោន ថ្ងៃទី២៣ មករា ២០១៨ REUTERS/Jonathan Ernst

ខណៈ​ដែលក្រុងវ៉ាស៊ីនតោន​កំពុងរឹតបន្តឹង​កាន់តែខ្លាំង​ឡើង​ទៅលើការធ្វើពាណិជ្ជកម្ម​សេរី ប្រធានាធិបតីកូរ៉េខាងត្បូងលោក Moon Jae-in បានអំពាវនាវ​អោយមានការឆ្លើយតប​យ៉ាងម៉ឺងម៉ាត់ចំពោះ​ការកំណត់ពន្ធថ្មីរបស់អាមេរិក​ទៅលើការនាំចូលផលិតផល​ពីកូរ៉េខាងត្បូង​។​ អាមេរិក​បានស្នើអោយមាន​កិច្ចចរចាឡើងវិញ​ចំពោះកិច្ចព្រមព្រៀង​ពាណិជ្ជកម្មរវាងប្រទេស​ទាំងពីរ។

កាលពីខែមុន ប្រធានាធិបតីអាមេរិកលោក​ដូណាល់ ត្រាំ បានដំឡើងពន្ធនាំចូលពី២០ទៅ៥០ភាគរយលើប្រភេទផលិតផលម៉ាស៊ីនបោកខោអាវធំៗរបស់កូរ៉េខាងត្បូង ព្រមគ្នាជាមួយនឹងការដំឡើងពន្ធនាំចូលលើប្រភេទផលិតផលមួយចំនួនទៀតដូចជា ដែកថែក ឧបករណ៍អេឡិចត្រូនិច និងផ្ទាំងស្រូបពន្លឺព្រះអាទិត្យជាដើម ដែលនាំចូលពីកូរ៉េខាងត្បូង ចិន និងប្រទេសមួយចំនួនផ្សេងទៀត។

នាថ្ងៃចន្ទទី១៩នេះ​ ប្រធានាធិបតីកូរ៉េខាងត្បូងបានលើកឡើងចំពោះបញ្ហានេះថា លោកមានការព្រួយបារម្ភចំពោះផលប៉ះពាល់នៃការរឹតបន្តឹងពីអាមេរិក បើទោះបីជាកូរ៉េខាងត្បូងមានសមត្ថភាពប្រកួតប្រជែងលើទីផ្សារសកលចំពោះប្រភេទផលិតផលទាំងនេះយ៉ាងណាក្តី។

លោកបានទាមទារអោយមន្ត្រីពាណិជ្ជកម្មធ្វើការឆ្លើយតបយ៉ាងម៉ឺងម៉ាត់ទៅនឹងវិធានការការពារដោយដំឡើងពន្ធរបស់អាមេរិក ដែលលោកយល់ថាមិនសមហេតុផល ហើយលោកបានទទូចអោយមានការវាយតម្លៃឡើងវិញ ថាតើវិធានកំណត់ពន្ធថ្មីនេះបានរំលោភលើលក្ខខណ្ឌក្នុងកិច្ចព្រមព្រៀងពាណិជ្ជកម្មសេរីរវាងប្រទេសទាំងពីរដែលត្រូវបានធ្វើឡើងតាំងពីឆ្នាំ២០១២ដែរឬទេ។

កាលពីសប្តាហ៍មុន លោកត្រាំបានគំរាមធ្វើសកម្មភាពសងសឹកប្រឆាំងនឹងកូរ៉េខាងត្បូង ព្រមទាំងបានប្តេជ្ញាថានឹងកែតម្រូវឬលុបចោលកិច្ចព្រមព្រៀងពាណិជ្ជកម្មសេរីឆ្នាំ២០១២នេះដែលលោកត្រាំបានពណ៌នាថាជា "គ្រោះមហន្តរាយ" សម្រាប់អាមេរិក។

ភាគីអាមេរិកធ្លាប់បានស្នើអោយមានការចរចាឡើងវិញចំពោះកិច្ចព្រមព្រៀងពាណិជ្ជកម្មសេរីនេះតាំងពីខែកក្កដាឆ្នាំ២០១៧មកម៉្លេះ ដោយអះអាងថាមានភាពលំអៀងដែលបណ្តាលអោយអាមេរិកមានឱនភាពពាណិជ្ជកម្មដែលធ្វើអោយមានការខូចខាតខាងសេដ្ឋកិច្ច។

គួរបញ្ជាក់ថា ឱនភាពពាណិជ្ជកម្មរបស់អាមេរិកបានកើនឡើងរហូតដល់ទៅ១២ភាគរយ ដែលមានតម្លៃស្មើនឹងប្រមាណ ៥៦៦ពាន់លានដុល្លា ក្នុងអំឡុងពេលមួយឆ្នាំចាប់តាំងពីលោកដូណាល់ត្រាំលើកធ្វើជាប្រធានាធិបតី៕

ទាក់ទង​នឹង​ប្រធានបទ​នេះ
 
សូមអភ័យទោស យើងមិនអាច​ភ្ជាប់​ទៅ​ទំព័រ​ដែល​លោកអ្នក​ស្នើសុំ​បានទេ