លោកGeorge Edgar៖នៅពេលនេះ សហភាពអឺរ៉ុបនៅតែបន្តអនុវត្តប្រពន្ធអនុគ្រោះពន្ធដល់កម្ពុជា
លោកGeorge Edgar ឯកអគ្គរដ្ឋទូតនៃសហភាពអឺរ៉ុបប្រចាំប្រទេសកម្ពុជា បានអះអាងឲ្យដឹងថា នៅពេលនេះ សហភាពអឺរ៉ុបនៅតែបន្តអនុវត្តប្រព័ន្ធអនុគ្រោះពន្ធ(EBA)ដល់កម្ពុជា ដោយមិនទាន់សម្រេចបែបណានៅឡើយទេនៅក្រោយការបោះឆ្នោតនេះ។ លោកGeorge Edgar បានអះអាងដូច្នេះ នៅក្នុងសន្និសិទសារព័ត៌មានមួយនៅសណ្ឋាគារ Le Royal កាលពីល្ងាចថ្ងៃព្រហស្បតិ៍។ ជាមួយគ្នានេះ លោកGeorge Edgar ក៏បានលើកឡើងថា គណៈកម្មការអឺរ៉ុបបានយកចិត្តទុកខ្លាំងចំពោះបញ្ហា EBA សម្រាប់កម្ពុជានេះ ហើយក៏កំពុងពិនិត្យលើបញ្ហានេះផងដែរ។
ចុះផ្សាយនៅថ្ងៃ៖
ស្តាប់ - ០១:៤៣
សូមបញ្ជាក់ថា ទាក់ទងនឹងបញ្ហាប្រព័ន្ធអនុគ្រោះពន្ធ(EBA)នេះ គឺកាលពីថ្ងៃចុងខែមិថុនាកន្លងទៅ រដ្ឋាភិបាលកម្ពុជាបានបញ្ជូនក្រុមការងារពិសេសមួយក្រុមទៅកាន់សហភាពអឺរ៉ុប ដើម្បីបំភ្លឺ និងពន្យល់ពីស្ថានភាពកើតឡើងនៅកម្ពុជាក្នុងគោលបំណងកុំឲ្យអឺរ៉ុបព្យួរប្រពន្ធEBA ។
ប៉ុន្តែក្រោយមក គឺក្នុងអំឡុងខែកក្កដា ពោល គឺមុនការបោះឆ្នោតជាតិកម្ពុជា សហភាពអឺរ៉ុបបានបញ្ចូនគណៈប្រតិភូពិសេសមួយក្រុមមកកាន់ប្រទេសកម្ពុជា វិញ ដើម្បីស្វែងរកការពិតនៃការរំលោភសិទ្ធិមនុស្ស និងសិទ្ធិនយោបាយ។ ការរំលោភសិទ្ធិមនុស្ស និងសិទ្ធិនយោបាយនេះ ជាបញ្ហាដែលសហភាពអឺរ៉ុបត្រូវយកទៅពិនិត្យ និងពិចារណាក្នុងសម្រេចព្យួរប្រពន្ធអនុគ្រោះពន្ធ(EBA)ដល់កម្ពុជា ឬត្រូវបន្ត។
ក្រោយបញ្ចប់បេសកកម្មនេះ សហភាពអឺរ៉ុបបានព្រមានថា ការព្យួរប្រព័ន្ធអនុគ្រោះពន្ធ គឺជាជម្រើសចុងក្រោយ ប្រសិនបើកិច្ចខិតខំប្រឹងប្រែងរបស់អឺរ៉ុបដើម្បីដោះស្រាយការព្រួយបារម្ភអំពីកម្ពុជា ទទួលបរាជ័យនោះ។ យ៉ាងណាក៏ដោយ លោកGeorge Edgar មិនអាចបញ្ជាក់ឲ្យដឹងបាននៅឡើយ ថាតើសហភាពអឺរ៉ុបនឹងសម្រេចចុងក្រោយលើបញ្ហាEBA សម្រាប់ប្រទេសកម្ពុជានេះ នៅពេលណានោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ