អ្នកវិភាគ៖បើអាចតម្កល់ផលប្រយោជន៍ជាតិជាធំក្នុងចិត្តបាន អ្នកនយោបាយខ្មែរនឹងអាចរួបរួមគ្នាវិញបាន
ចុះផ្សាយនៅថ្ងៃ៖
ស្តាប់ - ១០:២៦
ពាក្យ “រួបរួមសាមគ្គីគ្នា” ត្រូវបានព្រះមហាក្សត្រកម្ពុជា ព្រះបាទ សម្តេច ព្រះនរោត្តម សីហមុនី មានព្រះរាជបន្ទូលនៅក្នុងពិធីបុណ្យឯករាជ្យជាតិ ៩ វិច្ឆិកា ម្សិលមិញនេះ។ ព្រះអង្គបានមានព្រះរាជបន្ទូលអំពាវនាវឲ្យប្រជាពលរដ្ឋកម្ពុជាគ្រប់មជ្ឈដ្ឋានទាំងអស់រួបរួមសាមគ្គីគ្នាជាធ្លុងមួយក្រោមដំបូលរដ្ឋធម្មនុញ្ញ។ បើទោះបីព្រះអង្គមិនសំដៅឲ្យចំ ប៉ុន្តែអ្នកវិភាគបញ្ហានយោបាយកម្ពុជា យល់ថា ព្រះមហាក្សក្សត្រទ្រង់ចង់ឲ្យអ្នកនយោបាយខ្មែររួបរួមគ្នាឡើងវិញ។ សម្រាប់អ្នកវិភាគ អ្នកនយោបាយកម្ពុជាគួរតែគោរពតាមព្រះរាជបន្ទូលរបស់ព្រះមហាក្សត្រ ហើយថា ពួកគេនឹងអាចត្រូវរ៉ូវគ្នាឡើងវិញបាន បើសិនពួកគេតម្តល់ទុកផលប្រយោជន៍ជាតិជាធំនៅក្នុងចិត្ត។