លោកសុខ ឥសាន៖ការបញ្ចូលចៅក្រមទៅក្នុងបក្សប្រជាជនមិនមែនដោយសារពួកគេបានរំលាយបក្សប្រឆាំងឡើយ
ចុះផ្សាយនៅថ្ងៃ៖
ស្តាប់ - ១២:១៧
នៅល្ងាចមិញនេះ មហាសន្និបាតវិសាមញ្ញរបស់គណបក្សប្រជាជនកម្ពុជារយៈពេលបីថ្ងៃបានបិទបញ្ចប់ហើយ។ អ្វីជាការកត់សម្គាល់ គណបក្សប្រជាជនកម្ពុជាបានបញ្ចូលនូវសមាជិកថ្មីចំនួន៣៤២នាក់ទៀតទៅក្នុងគណៈកម្មាធិការកណ្តាលរបស់ខ្លួន។ ក្នុងនោះ ចៅក្រមម្នាក់ និងអគ្គព្រះរាជអាជ្ញាតុលាការកំពូលម្នាក់ដែលបានចូលរួមកាត់ក្តីរំលាយគណបក្សសង្គ្រោះជាតិ ក៏ត្រូវបានបញ្ចូលទៅក្នុងគណៈកម្មាធិការកណ្តាលបក្សកាន់អំណាចផងដែរ។ ជុំវិញបញ្ហានេះ លោកសុខ ឥសាន អ្នកនាំពាក្យគណបក្សប្រជាជនកម្ពុជានៅក្នុងនាទីភ្ញៀវប្រចាំថ្ងៃរបស់យើងបានបកស្រាយថា ពួកគេទាំងនេះមានគុណសម្បត្តិគ្រប់គ្រាន់ទើបបក្សបញ្ចូល ហើយថា ការណ៍នេះមិនពាក់ព័ន្ធនឹងការរំលាយបក្សប្រឆាំងនោះទេ។ សូមស្ដាប់បទសម្ភាសន៍រវាងវណ្ណ សុគន្ធា និងលោកសុខ ឥសាន ដូចតទៅ៖