"បង្ការជំងឺគ្រុនឈាម ជាកាតព្វកិច្ចរបស់យើងគ្រប់ៗរូប" គឺជាប្រធានបទសម្រាប់យុទ្ធនាការប្រឆាំងនឹងជំងឺគ្រុនឈាម នៅឆ្នាំនេះ។ ក្រុមគ្រូពេទ្យបារម្ភថា ជំងឺគ្រុនឈាម អាចនឹងផ្ទុះឡើងវិញនៅឆ្នាំនេះ ព្រោះក្នុងរយៈពេលតែ៣ខែដើមឆ្នាំនេះ ជំងឺគ្រុនឈាម កើតឡើងជាង ១៣០០ ករណី និងមានសម្លាប់មនុស្ស ៨ នាក់។ អាជ្ញាធរ និងមហាជន បានដើរហែក្បួន និងជួបជុំ ក្នុងទីក្រុងភ្នំពេញ នៅសប្តាហ៍នេះ ជាសារប្រកាស បើកយុទ្ធនាការប្រឆាំងនឹងជំងឺគ្រុនឈាម នៅមុនរដូវភ្លៀងចូលមកដល់។
