កូរ៉េខាងត្បូងចេញកម្មវិធីសិក្សាលើប្រជុំកោះ Dokdo កោះជម្លោះជាមួយជប៉ុន
ក្រសួងការពារជាតិកូរ៉េខាងត្បូង បានប្រកាសនៅថ្ងៃអង្គារនេះថា នឹងដាក់បញ្ចូលកម្មវិធីសិក្សាស្តីពីប្រជុំកោះDokdo កោះជម្លោះជាមួយជប៉ុន អោយដល់សិស្សានុសិស្សកូរ៉េ ចាប់ពីឆ្នាំនេះទៅ។ សិស្សនៅកូរ៉េខាងត្បូង ត្រូវតែរៀនពីប្រជុំកោះដូកូនេះជាដាច់ខាត។ គួររំលឹកថា ប្រជុំកោះDokdo គ្មានមនុស្សនៅ ស្ថិតនៅសមុទ្រភាគខាងកើត ហើយកូរ៉េខាងត្បូងនិងជប៉ុន តែងតែឈ្លោះគ្នាដណ្តើមបូរណភាពដែនកោះនេះ រៀងៗខ្លួន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣២
ចាប់ពីឆ្នាំនេះទៅ ប្រទេសកូរ៉េខាងត្បូងតំរូវអោយសិស្សានុសិស្សរបស់ខ្លួន សិក្សាជាដាច់ខាត នូវមេរៀនទាក់ទងនឹងប្រជុំកោះDokdo ដែលជាដែនកោះជម្លោះជាមួយជប៉ុន។ នេះគឺជាការប្រកាសរបស់ក្រសួងការពារជាតិកូរ៉េខាងត្បូង នៅថ្ងៃអង្គារនេះ។
សំរាប់រយៈពេលសិក្សាមួយឆ្នាំ សិស្សកូរ៉េខាងត្បូងត្រូវរៀនមេរៀនទាក់ទងប្រជុំកោះ Dokdo យ៉ាងតិចណាស់ ក៏អោយបាន១០ ម៉ោងដែរ។ កន្លងមក សាលាមួយចំនួនធ្លាប់មានកម្មវិធីសិក្សាស្តីពីដែនកោះនេះរួចមកហើយ។ គួររំលឹកថា ប្រជុំកោះ Dokdo ជាកោះគ្មានមនុស្សរស់នៅ មានទីតាំងស្ថិតនៅសមុទ្រភាគខាងកើត ។ ជប៉ុនបានហៅសមុទ្រនេះថា ជាសមុទ្រជប៉ុន។ កូរ៉េខាងត្បូងនិងជប៉ុន តែងតែឈ្លោះគ្នាដណ្តើមបូរណភាពដែនកោះនេះ រៀងៗខ្លួន។
ជម្លោះដែនកោះនេះ បានបង្កអោយមានស្ថានភាពតានតឹងកើតឡើង រវាងប្រទេសទាំងពីរ ជាពិសេសចាប់តាំងតែពីអតីតប្រធានាធិបតីជប៉ុន លោក លី ម្យុងបាក់ បានមកទស្សនៈកិច្ចប្រជុំកោះ Dokdo នៅក្នុងខែសីហា ឆ្នាំ២១០២ កន្លងទៅ។
កាលពីសប្តាហ៍មុន ប្រជាជនជប៉ុន៥០០នាក់ និងតំណាងរដ្ឋាភិបាលជប៉ុន បានផ្តុំគ្នាបាតុកម្មថា ប្រជុំកោះនេះគឺជារបស់ប្រទេសខ្លួន។ ប្រជាជនកូរ៉េខាងត្បូងរាប់រយនាក់ បានបាតុកម្មតបតមកវិញ នៅមុខស្ថានទូតជប៉ុន ក្នុងក្រុងសេអ៊ូល និងនៅមុខសមាគមអ្នកជំនួញកូរ៉េខាងត្បូងមួយកន្លែង ដោយអំពាវនាវពួកគេ កុំអោយប្រើប្រាស់ផលិតផលនាំមកពីជប៉ុន។
គួររំលឹកថា ប្រទេសជប៉ុនធ្លាប់ដាក់អាណានិគមនៅកូរ៉េខាងត្បូង ពីឆ្នាំ ១៩១០ ដល់ឆ្នាំ ១៩៤៥។ អនុស្សាវរីយ៍ល្វីងជូរចត់នៃអាណានិគមជប៉ុន នៅតែដិតដាមជាប់ក្នុងអារម្មណ៍របស់ប្រជាជនកូរ៉េគ្រប់រូប៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ