លោកប៉ែន សមិទ្ធិ៖ សេរីភាពស្វែងរកព័ត៌មាន និងសេរីភាពបញ្ចេញមតិរបស់អ្នកសារព័ត៌មាន បានធ្លាក់ចូលក្នុងស្ថានភាពមិនល្អ
ចុះផ្សាយនៅថ្ងៃ៖
ស្តាប់ - ០៧:២៤
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ នៅថ្ងៃអង្គារ ទី២៨មករានេះ គឺលោកប៉ែន សមិទ្ធិ ប្រធានក្លឹបអ្នកកាសែតកម្ពុជា។ ក្នុងកិច្ចសម្ភាសជាមួយវិទ្យុបារាំងអន្ដរជាតិ លោកប៉ែន សមិទ្ធិ បានឲ្យដឹងថា ការរើសអើង និងប្រើប្រាស់កម្លាំងមកលើអ្នកកាសែតនៅកម្ពុជា កើតមានតាំងពីកំឡុងពេលក្រោយបោះឆ្នោតមកម្ល៉េះ។ អំពើទាំងអស់នោះ មិនបានផ្ដល់ផលល្អទៅដល់អ្នកធ្វើ និងប្រទេសជាតិនោះទេ។ ក្រៅពីនោះ វាថែមទាំងបានបង្ហាញឲ្យឃើញទៀតថា សេរីភាពនៃការស្វែងរកព័ត៌មាន និងសេរីភាពនៃការបញ្ចេញមតិរបស់អ្នកសារព័ត៌មាន បានធ្លាក់ចូលទៅក្នុងស្ថានភាពមិនល្អ។ ប្រធានក្លឹបអ្នកកាសែតកម្ពុជារូបនេះ បានអំពាវនាវឲ្យភាគីពាក់ព័ន្ធទាំងអស់ ផ្ដល់ភាពយុត្តិធម៌ដល់អ្នកសារព័ត៌មាន និងទុកឱកាសដល់អ្នកកាសែតក្នុងការប្រមែប្រមូលព័ត៌មាន ដោយគ្មានការរើសអើង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ