កោះនៅខាងត្បូងប្រទេសត្រូវអង្រួនដោយការរញ្ចួយដីដ៏ខ្លាំងមួយ
នៅនូវែល-ហ្សេឡង់ ការរញ្ជួយដីកម្លាំង៧អង្សា ស្របតាមមាត្រដ្ឋានRichter បានកើតមាននៅថ្ងៃ៤កញ្ញានេះ នៅChristchurch ជាទីក្រុងទី២នៃប្រទេសជាទីដែលការប្រកាសអាសន្នត្រូវបានធ្វើ។ការរញ្ជួយដីបានបណ្តាលឱ្យមានការខូចខាតសម្ភារៈដ៏ច្រើន ជាអាទិ៍ អគារខ្ពស់ៗជាច្រើនជាន់បានស្រុតរលំ។ ស្របតាមតួលេខដំបូងបានមកពីមន្ទីរពេទ្យ គ្មានអ្នកស្លាប់ទេ ប៉ុន្តែ យ៉ាងតិច មានអ្នកត្រូវរបួសធ្ងន់២នាក់។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
ទោះបីជាមានកម្លាំងខ្លាំងក្តី ការរញ្ជួយដីបានបណ្តាលឱ្យខូចខាតសម្ភារៈតែនៅ Christchurch ជាទីក្រុងធំនៃកោះនៅខាងត្បូងប្រទេស។ ទីក្រុងChristchurchទទួលក្រុមកីឡាករRugby( កីឡាលេងចោលបាល់មូលទ្រវែង ) Crusaders។
ជម្រៅ១៦គីឡូម៉ែត្រនៅក្នុងទឹកសមុទ្រនៃការរញ្ជួយដីនិងការស្ថិតនៅចម្ងាយបង្គួររបស់វាពីឆ្នេរប្រទេសនូវែល-ហ្សេឡង់គឺ៣០គីឡូម៉ែត្រ ពន្យល់បំភ្លឺអំពីការមានអ្នករងគ្រោះចំនួនតែបន្តិចបន្តួចនៃការរញ្ជួយដីនេះ។ ជាការប្រៀបធៀប រលកយក្ស tsunamiនៅឆ្នាំ២០០៤ដែលបានបំផ្លិចបំផ្លាញតំបន់អាស៊ីអស់មួយភាគ មានកំរិតកម្លាំងដល់ទៅ៩អង្សាស្របតាមមាត្រដ្ឋានRichterនិងមានជម្រៅពុំដល់១០គីឡូម៉ែត្រផង នៅក្នុងទឹកសមុទ្រ។
ប៉ុន្តែ ការប្រកាសអាសន្នត្រូវបានធ្វើនៅទីក្រុងChristchurch រីឯអាកាសយានដ្ឋាននៃទីក្រុងត្រូវបានបិទ។ អភិបាលក្រុងបានអំពាវនាវសូមឱ្យ អ្នកក្រុងទាំងអស់ស្ថិតនៅក្នុងផ្ទះខ្លួន។ មជ្ឈមណ្ឌលប្រកាសអាសន្នអំពីរលកយក្សtsunamiសំរាប់មណ្ឌលប៉ាស៊ីហ្វិកបានប្រកាសឱ្យដឹងថា អាចមានហានិភ័យកើតមានតាមកន្លែងណាមួយដែលអាចបណ្តាលឱ្យមានការខូចខាតរហូតដល់ចម្ងាយ១០០គីឡូម៉ែត្រ នៅជុំវិញទីកន្លែងដែលមានការរញ្ជួយដីខ្លាំងបំផុត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ