ប៉េរូ ច្រានចោល ការសុំលើកលែងទោស របស់អតីតប្រធានាធិបតី Alberto Fujimori
បើទោះជាមានការអះអាងថា អតីតប្រធានាធិបតី Alberto Fujimori ដែលបច្ចុប្បន្នកំពុងតែស្ថិតនៅក្នុងឃុំ មានជំងឺប្រចាំកាយក៏ដោយ ក៏រដ្ឋាភិបាល ប៉េរូថ្មីមិន អនុញ្ញាត្តិឲ្យមានការលើកលែងទោសឡើយកាលពីថ្ងៃសុក្រម្សិលមិញនេះ។ គឺលោកត្រូវជាប់ទោស២៥ឆ្នាំ ពីបទឧក្រិដកម្មប្រឆាំងមនុស្សជាតិ និងអំពើពុករលួយ ក្នុងពេលកាន់អំណាច។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣៨
នេះការកម្រមួយដែលថ្នាក់ដឹកនាំប៉េរូ បង្ហាញពីភាពតឹងរឹងរបស់ខ្លួន។ ប្រធានាធិបតី ប៉េរូ បច្ចុប្បន្ន លោក Ollanta Humala បានធ្វើការសម្រេចជាឯកច្ឆន្ទ មិនលើកលែង ទោសដល់លោក Fujimori ទេ។ បើយោងតាមរដ្ឋធម្មនុញ្ញ ក្នុងនាមជាប្រធានាធិបតី លោកអាចមានសិទ្ធិលើកលែងទោស បុគ្គលណាម្នាក់បាន។ តែក្នុងករណីនេះ លោក មិនចង់ប្រើអំណាចទាំងនេះ ពីព្រោះអតីតប្រធានាធិបតី Fujimoriមិនមានជំងឺមហារីកដូចដែល ពាក្យអះអាងរបស់ក្រុមគ្រួសាររបស់គាត់ឡើយ។
អតីតប្រធានាធិបតីប៉េរូ Fujimori មានអាយុ ៧៤ ឆ្នាំ មានសញ្ជាតិដើមជាជនជាតិជប៉ុន។ លោកត្រូវបាន ដាក់ទោស២៥ឆ្នាំ ពីបទ ឧក្រិដ្ឋកម្មប្រឆាំងមនុស្សជាតិ និងប្រព្រឹត្តអំពើពុករលួយ មុន និងក្នុងកំឡុងពេលកាន់អំណាច។
គួររម្លឹកផងដែរថា មុនពេលចូលកាន់អំណាច លោក Fujimori ជាអតីតវរសេនីយឯក ដែលបានដឹកនាំទ័ព ប្រឆាំងពួកឧទ្ទាម និងក្រុមភារវកម្ម។ ដែលកាលនោះ មនុស្សប្រមាណជាង៧០ ០០០នាក់បានស្លាប់បាត់បង់ជីវិត គឺនៅរវាងឆ្នាំ១៩៨០ ដល់ឆ្នាំ១៩៩០។ ដោយមានឥទ្ធិពលយ៉ាងខ្លាំងលើផ្នែកយោធា លោក Fujimori បានធ្វើរដ្ឋប្រហារផ្តួលរំលំ រដ្ឋាភិបាល ដើម្បីកាន់អំណាច។
រឿងអាស្រូវជាច្រើន ទាក់ទងនឹងអំពើពុករលួយ និងសម្លាប់មនុស្ស បានកើតឡើងជាបន្តបន្ទាប់ ក្នុងកំឡុងពេលដឹកនាំរបស់លោក។ មូលហេតុទាំងនេះ បានជំរុញឲ្យ លោក Fujimori បានចាកចេញ ពីតំណែង នៅឆ្នាំ២០០០ រួចក៏ភៀសខ្លួនចេញទៅប្រទេសជប៉ុន និង Chili។ ដោយតាមកិច្ចព្រមព្រៀងរបស់ប្រទេស ប៉េរូ និង Chilli ទីបំផុត លោក Fujimori ត្រូវបានបញ្ជូនមក កាត់ទោស នៅប្រទេសប៉េរូ ឆ្នាំ២០០៧។
បច្ចុប្បន្ន លោកអតីតប្រធានាធិបតីប៉េរូរូបនេះ កំពុងតែស្ថិតនៅក្នុងពន្ធនាគារមួយ នៅទីក្រុង លីម៉ា(Lima) ដែលមានសេវាកម្មថែទាំសុខភាពផ្ទាល់ខ្លួន និងការធានាសុវត្ថិភាពយ៉ាងល្អ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ