សន្និសីទអន្តរជាតិស្តីពីជំងឺអេដស៍ ចង់ផ្តល់សន្ទុះថ្មីដើម្បីប្រឆាំងនឹងការរាតត្បាតនៃវីរ៉ុសហ៊ីវ
១៦ឆ្នាំក្រោយសារដ៏កកើករបស់លោកនែលសុន មង់ដឺឡា ដែលបានជំរុញឱ្យពិភពលោកទាំងមូលប្រមូលកម្លាំងគ្នាប្រយុទ្ធប្រឆាំងនឹងជំងឺស៊ីដា នៅថ្ងៃនេះ ក្រុមអ្នកជំនាញ អ្នកនយោបាយ បានមកជួបជុំគ្នានៅប្រទេសអាហ្វ្រិកខាងត្បូងជាថ្មី ដើម្បីបើកសន្និសីទអន្តរជាតិស្តីអំពីជំងឺស៊ីដា លើកទី ២១។ កម្មវត្ថុនៃសន្និសីទគឺផ្តល់សន្ទុះថ្មីដល់ការប្រយុទ្ធប្រឆាំងនឹងជំងឺរាតត្បាតមួយនេះដែលពិភពលោកហាក់ទម្លាក់ដៃគ្រប់គ្នា។
ចុះផ្សាយនៅថ្ងៃ៖
ស្តាប់ - ០១:៥៦
អ្នកវិទ្យាសាស្ត្រ អ្នកច្បាប់ សកម្មជន ព្រមទាំងម្ចាស់ជំនួយ ប្រមាណ១៨០០០នាក់ បានមកជួបជុំគ្នាពីថ្ងៃចន្ទនេះ ដល់ថ្ងៃសុក្រ ដើម្បីវាយធ្វើការវាយតម្លៃនិងបូកសរុកសកម្មភាពប្រយុទ្ធប្រឆាំងនឹងវីរ៉ុសហ៊ីវ ដែលសម្លាប់មនុស្សអស់ជាង៣០លាននាក់។
“ផ្លូវនៅវែងឆ្ងាយណាស់ ! គេមិនទាន់អាចស្រែកអំណរថាអាចយកឈ្នះលើជំងឺស៊ីដាបានទេ” ! នេះជាសារដែលសន្និសីទអន្តរជាតិលើកទី២១ នឹងត្រូវប្រកាសតើនរំលឹកពិភពលោក ពីប្រទេសអាហ្វ្រិកខាងត្បូង។
ហេតុអ្វី ?! គេនៅចងចាំបានថា កាលពីឆ្នាំ២០០០ ក្នុងពេលទទួលធ្វើជាម្ចាស់ផ្ទះរៀបចំសន្និសីទអន្តរជាតិ ប្រធានាធិបតីអាហ្វ្រិកខាងត្បូងបានបំផុសរឿងអាស្រូវ ថាស៊ីដាជាជំងឺខ្វះអាហារូបត្ថម្ភនិងអនាម័យ។ ប៉ុន្តែក្រោមសន្ទុះជ្រោមជ្រែងរបស់អតីតប្រធានាធិបតីអាហ្វ្រិកខាងត្បូង លោក នែលស៊ុន ម៉ង់ដឺឡា សន្និសីទអន្តរជាតិលើកទី១៥ បានចំណុចចាប់ផ្តើមដ៏សំខាន់ក្នុងយុទ្ធនការប្រយុទ្ធប្រឆាំងនឹងជំងឺស៊ីដា ដោយជំរុញឱ្យមានការកាត់បន្ថយវិសមភាពនៃការព្យាបាលក្នុងប្រទេសអ្នកមាននិងអ្នកក្រ បានបញ្ចុះតម្លៃថ្នាំពន្យារជីវិត …
ប៉ុន្តែ១៦ឆ្នាំក្រោយ គេនៅតែពុំទាន់រកឃើញថ្នាំវ៉ាក់សាំងប្រឆាំងនឹងជំងឺអេដស៍- អ្នកជំងឺត្រូវរស់រំពឹងលើថ្នាំពន្យារជីវិត Antirétroviraux។ អង្គការសុខភាពពិភពលោកចង់លុបបំបាត់ការចម្លងជំងឺនេះឱ្យបាននៅឆ្នាំ២០៣០ តែតាំងពីឆ្នាំ២០១០មក ការប្រយុទ្ធប្រឆាំងជំងឺអេដស៍បែរបានធ្លាក់ចុះស្ទើរដល់បាតទៅវិញ នៅតាមប្រទេសនិងតំបន់ខ្លះ ដូចជានៅអាហ្វ្រិកខាងជើង និងដើមបូព៌ា ការរាតត្បាតបែរជាកើនឡើងទៅវិញ។
អាហ្វ្រិកខាងត្បូងជាប្រទេសមានអត្រាអ្នកឆ្លងវីរ៉ុសហ៊ីវ ច្រើនជាងគេបំផុតមួយ ដោយមានអ្នកឆ្លងថ្មីប្រមាណ៣០ម៉ឺននាក់ ក្នុងមួយសប្តាហ៍ នៅរវាងពីឆ្នាំ២០១៤-១៥។ ចំណែករុស្ស៊ី ចំនួនអ្នកឆ្លងមេរោគអេដស៍បានកើនឡើងដល់ចំនួនមួយលាននាក់ នៅឆ្នាំ២០១៥ ដោយហេតុតែរដ្ឋាភិបាលមិនអើពើបំផុសការប្រយុទ្ធប្រឆាំងជំងឺស៊ីដាចំពោះអ្នកស្រលាញ់ភេទដូចគ្នា និងក្រុមចាក់គ្រឿងញៀន។
សន្និសីទអន្តរជាតិឆ្នាំនេះសង្ឃឹមថា វាគ្មិនទាំងអស់នឹងត្រលប់ទៅវិញជាមួយការសន្យាប្តូរផ្លាស់ច្បាប់ នយោបាយ និងការអនុវត្ត ជួយអ្នកត្រូវការ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ