សហរដ្ឋអាមេរិកនឹងយកពន្ធលើការនាំចូលឈើសំណង់មកពីកាណាដាចំនួន ២០%
សហរដ្ឋអាមេរិកនឹងយកពន្ធចំនួន ២០% ជាមធ្បមនៅលើការនាំចូលឈើសណង់មកពីប្រទេសកាណាដា-នេះជាការជូនដំណឹងរបស់រដ្ឋមន្ត្រីក្រសួងពាណិជ្ជកម្មអាមេរិកលោក Wilbur Ross កាលពីថ្ងៃចន្ទមុន។ គឹជាដំណាក់កាលថ្មីមួយនៅក្នុងជម្លោះពាណិជ្ជកម្មដ៏យូរលង់រវាងប្រទេសជិតខាងទាំងពីរអាមេរិកនិងកាណាដានេេះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣៤
សង្គ្រាមឈើសំណង់រវាងសហរដ្ឋអាមេរិកនិងកាណាដា បានចាប់ផ្ទុះឡើងជាថ្មីទៀតហើយ។ ដោយកាលពីថ្ងៃអង្គារ២៥មេសា ក្រសួងពាណិជ្ជកម្មអាមេរិក បានប្រកាសយកពន្ធលើការនាំចូលឈើសំណង់មកពីប្រទេសកាណាដាប្រមាណ២០%។ ភាពតានតឹងរវាងរវាងអាមេរិកនិងកាណាដានៅលើជម្លោះពាណិជ្ចកម្មនាំឈើកាណាដានេះគឺជាលើកទី៥ហើយចាប់តាំងពីទស្សវត្តន៍ឆ្នាំ៨០មក។
នៅថ្ងៃអង្គារម្សិលមិញក្នុងកិច្ចសន្ទនាជាមួយលោកដូណាល់តាំ្រប្រធានាធិបតីអាមេរិក នាយករដ្ឋមន្ត្រីប្រទេសកាណាដាលោក Justin Trudeau បានឆ្លើយតបយ៉ាងម៉ឹងម៉ាត់វិញទៅកាន់ប្រធានាធិបតីអាមេរិកវិញ ថារដ្ឋាភិបាលកាណាដានឹងចាត់វិធានការគ្រប់បែបយ៉ាងដើម្បីការពារផលប្រយោជន៍សេដ្ឋកិច្ចកាណាដា រួមទាំងមានការប្តឹងឧទ្ធរណ៍ទៅកាន់អង្គការពាណិជ្ជកម្មពិភពលោក OMC ឬ ក៏ទៅកាន់ស្ថាប័នអាជ្ញាកណ្តាលទទួលបន្ទុកលើកិច្ចព្រមព្រៀងផ្តោះប្តូរពាណិជ្ចកម្មដោយសេរីនៅអាមេរិកខាងជើង(Aléna )។
ថ្នាក់ដឹកនាំកាណាដាថែមទាំងបានវាយតម្លៃទៀតថា សេចក្តីសម្រេចចិត្តរបស់រដ្ឋាភិបាលលោកដូណាល់តាំ្រនៅក្នុងការយកពន្ធ២០%លើការនាំចូលឈើកាណាដានោះគឺ ជារឿងមួយដ៏ អយុត្តិធម៌ គ្មានសមហេតុផលនិងគ្មានមូលដា្ឋន។
លោក នាយក រដ្ឋមន្ត្រីកាណាដា Trudeau បញ្ចេញសំដីដ៏ធ្ងន់ៗបែបនេះ នៅនាឱកាសនៃដំណើរទស្សនកិច្ចរបស់លោកនៅក្នុងក្រុមហ៊ុនកុមព្យុទ័រមួយ។ លើសពីនេះ រដ្ឋាភិបាលកាណាដាថែមទាំងបានសន្យាទៀតថានឹងជួយដល់សហគ្រាសនានាក៏ព្រមទាំងបុគ្គលិកណាដែលបានបាត់បង់ការងាររបស់ពួកគេដោយសារតែសេចក្តីសម្រេចចិត្តរបស់អាមេរិកនេះ។ លោក Trudeau បានថ្លែងសង្កត់ពាក្យទៀតា ការងាររបស់ខ្ញុំគឺដោះស្រាយនិងការពារផលប្រយោជន៍របស់ប្រទេសកាណាដាបើទោះបីជានៅក្នុងបញ្ហាណាមួយក៏ដោយក្តី។
គួររំលឹកថា អាជីវករឈើអាមេរិកកាលពីខែវិច្ចិកាឆ្នាំមុនក្នុងជំនាន់លោកប្រធានាធិបតីអូបាម៉ា បានសុំឲ្យក្រសួងពាណិជ្ចកម្មអាមេរិក បើកការស៊ើបអង្កេតមួយដោយពួកគេជឿជាក់ថា ក្រុមអាជីវករឈើកាណាដាដែលជាគូប្រជែងរបស់ខ្លួនបានទទួលឧបត្ថម្ភធនមិនសមហេតុសមផល។
គួររំលឹកថា ទំនាក់ទំនងរវាងលោកដូណាល់ត្រាំនិងលោក Justin Trudeau មកទល់ពេលនេះ មានភាពល្អប្រសើរ។ ក៏ប៉ុន្តែ លោកត្រាំ ដែលគោរពចំពោះកិច្ចសន្យានានារបស់ខ្លួននោះ បានចាប់ផ្តើមវាយលុកទៅលើកិច្ចព្រមព្រៀងពាណិជ្ជកម្មនានាដែលតាមយោបល់របស់លោក ប្រជាជនអាមេរិកបានបាត់បង់អត្ថប្រយោជន៍របស់ខ្លួន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ