អ.ស.ប.៖ អង្គការរដ្ឋអ៊ីស្លាមនៅតែមានសមត្ថភាពវាយប្រហារថ្វីត្បិតតែមានការវាយបង្ក្រាបពីកងទ័ពអន្តរជាតិ
យោងតាមរបាយការណ៍មួយរបស់អសបផ្សព្វផ្សាយកាលពីថ្ងៃព្រហស្បតិ៍ម្សិលមិញ បានឲ្យដឹងថា" ក្រុមជីហាតអង្គការរដ្ឋអ៊ីស្លាមនិងក្រុមភេរវជនអៃកៃដា នៅតែមានសមត្ថភាពក្នុងការវាយប្រហារភេរវនិយមដ៏សំខាន់ៗនាអំឡុងពេល៦ខែដើមឆ្នាំ ២០១៧នេះ បើទោះបីជាមានការវាយបង្ក្រាបពីសំណាក់កងទ័ពអន្តរជាតិយ៉ាងណាក្តី"។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥១
លោក Donald Trump ប្រធានាធិបតីអាមេរិក កាលពីខែកក្កដាមុនធ្លាប់បានថ្លែងថា “ក្រុមអង្គការរដ្ឋអ៊ីស្លាម ត្រូវទទួលបរាជ័យយ៉ាងឆាប់រហ័សបំផុត”។ ការអះអាងយ៉ាងនេះរបស់លោក ត្រំ គឺនៅខណៈពេលដែលកងទ័ពសម្ព័ន្ធអន្តរជាតិ បានវាយដណ្តើមបានទីក្រុងMossoul របស់អ៊ីរ់ាក់មកវិញ។ ក៏ប៉ុន្តែ ក្រុមអ្នកជំនាញមួយភាគធំរបស់ អ.ស.ប. ពុំសូវប្រាកដប្រជាក្នុងចិត្តពេកនោះទេ។
ពីព្រោះ ទោះបីជាកងទ័ពអន្តរជាតិ ធ្វើការវាយបង្រ្កាបយ៉ាងខ្លាំងក្លានៅអ៊ីរ៉ាក់និងនៅស៊ីរីក្តី ក៏ពួកភេរវជននៃអង្គការរដ្ឋអ៊ីស្លាម នៅតែមានសមត្ថភាពទប់ទល់ជានិច្ច ជាអាទិ៍ការផ្ទេរមូលនិធិទៅផ្គត់ផ្គង់អោយដល់ក្រុមគ្នាគេដែលកំពុងស្ថិតនៅក្រៅតំបន់សង្គ្រាមនៅដើមបូព៌ា-នេះបើតាមរបាយការណ៍របស់អសប ដែលបានផ្សព្វផ្សាយតាំងពីថ្ងៃព្រហស្បតិ៍ម្សិលមិញ។ នៅក្នុងការបញ្ជូនមូលនិធិ នេះ ពួកអង្គការភេរវនិយម បានប្រើល្បិចកល ដោយធ្វើការផ្ទេរទឹកលុយក្នុងចំនួនដ៏តិចតួច គឺធ្វើយ៉ាងណាដើម្បីកុំឲ្យគេមានការសង្ស័យឬអាចចាប់ថ្នាក់បាន។
របាយការណ៍របស់អ.ស.ប.ដែលមានកម្រាស់២៤ទំព័រ បានលើកបញ្ជាក់ផងដែរថា ក្រុមភេរវជនរបស់អង្គការរដ្ឋអ៊ីស្លាម នៅតែមានកម្លាំងតស៊ូនិងចិត្តមានៈដើម្បីធ្វើការវាយប្រហារនៅក្រៅតំបន់ដើមបូព៌ា ជាអាទិ៍ផ្ទាំងស៊ីបជាអាទិភាពគឺអឺរ៉ុប។
យោងតាមអ្នកជំនាញរបស់អ.ស.ប.ដដែល អង្គការរដ្ឋអ៊ីស្លាម មិនគ្រាន់តែធ្វើការវាយប្រហារនៅអឺរ៉ុបឬក៏នៅអាហ្វ្រិកខាងកើតនិងខាងលិច ឬក៏តំបន់អាស៊ីកណ្តាលនិងឧបទ្វីបអារ៉ាប់ប៉ុណ្ណោះទេ តែឥឡូវនេះ វាបានលាតសន្ធឹងរហូតទៅរហូតដល់តំបន់អាស៊ីភូមិភាគអាគ្នេយ៍ទៀត ជាពិសេសនៅក្នុងប៉ែកខាងត្បុងនៃប្រទេសហ្វីលីពីនដែលអង្គការរដ្ឋអ៊ីស្លាមចង់យកធ្វើជាទីតាំងថ្មីរបស់ពួកខ្លួនទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ