ប្រធានាធិបតីអ៊ីរ៉ង់ព្រមានប្រាប់ទ័ពបរទេសឲ្យនៅឆ្ងាយពីឈូងសមុទ្រពែរ្ស៍
ចុះផ្សាយនៅថ្ងៃ៖
ស្តាប់ - ០៦:១៨
ប្រធានាធិបតីអ៊ីរ៉ង់ លោកហាសាន់ រូហានី នៅថ្ងៃអាទិត្យទី២២ កញ្ញា បានព្រមានប្រាប់កងទ័ពបរទេស ឲ្យស្ថិតនៅឲ្យឆ្ងាយពីតំបន់ឈូងសមុទ្រពែរ្ស។ ចូលរួមក្នុងទិវាការពារជាតិ ដែលរំលឹកពីការឈ្លានពានរបស់ទីក្រុងបាកដាដ និងសង្រ្គាមអ៊ីរ៉ាក់-អ៊ីរ៉ង់ ប្រមុខដឹកនាំអ៊ីរ៉ង់ បានពន្លយឲ្យដឹងដែរថា លោកនឹងបង្ហាញផែនការសន្តិភាពនៅក្នុងតំបន់ នៅក្នុងមហាសន្និបាតអង្គការសហប្រជាជាតិ នៅសប្តាហ៍ក្រោយនេះ។
អ៊ីរ៉ង់ដំឡើងសំឡេងប្រឆាំងនឹងការបញ្ជូនទ័ពអាមេរិកទៅអារ៉ាប៊ី សាអូឌីត។ នៅថ្ងៃសៅរ៍ ប្រមុខឆ្មាំបដិវត្តន៍អ៊ីរ៉ង់ បានព្រមានថា ប្រទេសណាហ៊ានវាយប្រហារអ៊ីរ៉ង់ ប្រទេសនោះនឹងក្លាយជាសមរភូមិប្រយុទ្ធ។ នៅថ្ងៃអាទិត្យ ដល់វេនប្រធានាធិបតីអ៊ីរ៉ង់ លោកហាសាន់ រូហានី ដែលចេញមុខបរិហារវត្តមានទ័ពបរទេស នៅតំបន់ឈូងសមុទ្រពែរ្ស៍ នៅក្រោយអាមេរិកប្រកាសបញ្ជូនទ័ពបន្ថែមទៅអារ៉ាប៊ី សាអូឌីត កាលពីថ្ងៃសុក្រ។ សម្រាប់ប្រធានាធិបតី អ៊ីរ៉ង់ កងទ័ពបរទេស នាំតែបញ្ហា ការឈឺចាប់ ទុក្ខវេទនា និងបង្កអសន្តិសុខដល់តំបន់។
នៅថ្ងៃអាទិត្យនេះ នៅក្នុងឱកាសថ្លែងទៅកាន់កងទ័ពអ៊ីរ៉ង់ ដែលចូលរួមក្នុងក្បួនព្យុហយាត្រា រំលឹកការឈ្លានពាន ធ្វើសង្រ្គាមជាមួយ អ៊ីរ៉ាក់ កាលពី ៣៩ឆ្នាំមុន ប្រមុខដឹកនាំអ៊ីរ៉ង់បានប្រកាសដែរថា លោកនឹងបង្ហាញ ផែនការសន្តិភាពនៅឈូងសមុទ្រពែរ្ស៍ នៅក្នុងអង្គមហាសន្និបាត អង្គការសហប្រជាជាតិ នៅសប្តាហ៍ក្រោយនេះ។ លោកប្រធានាធិបតីអ៊ីរ៉ង់នឹងទៅដល់ទីក្រុងញូវយ៉ក នៅថ្ងៃចន្ទ ដើម្បីចូលរួមក្នុងមហាសន្និបាតអង្គការសហប្រជាជាតិ។ តាមគម្រោង លោកនឹងឡើងថ្លែងសុន្ទរកថា នៅលើវេទិកាអង្គការសហប្រជាជាតិនៅថ្ងៃពុធ។
នៅថ្ងៃអាទិត្យ ប្រធានាធិបតី អ៊ីរ៉ង់ លោកហាសាន់ រូហានី មិនបាននិយាយលម្អិតច្រើន ពីផែនការសន្តិភាពរបស់លោកនោះទេ។ លោកគ្រាន់តែថា នៅក្នុងមហាសន្និបាត របស់អង្គការសហប្រជាជាតិ នៅសប្តាហ៍ក្រោយនេះ លោកនឹងបង្ហាញ ផែនការមួយស្តីពីការសហការនៅក្នុងតំបន់ ដើម្បីរក្សាសន្តិសុខ នៅឈូងសមុទ្រពែរ្ស៍ និងនៅសមុទ្រអូម៉ង់ ដែលជាច្រកដ៏សំខាន់មួយ នៃចរាចរណ៍ដឹកប្រេង អន្តរជាតិ។
សម្រាប់ប្រធានាធិបតីអ៊ីរ៉ង់ សន្តិសុខនៅក្នុងឈូងសមុទ្រពែរ្ស៍ ត្រូវកកើតចេញពីខាងក្នុង ពោលគឺត្រូវធានាឡើងដោយក្រុមប្រទេសនៅក្នុងតំបន់។ ចំណែកកងទ័ពបរទេស គឺគ្រាន់ជាប្រភពនៃបញ្ហា និងអសន្តិសុខសម្រាប់ប្រជាជន និងតំបន់ឈូងសមុទ្រពែរ្ស៍ទៅវិញទេ។ កងទ័ពបរទេសដែលប្រធានាធិបតី អ៊ីរ៉ង់ចង់សំដៅ គឺច្បាស់ណាស់ ថា ជាកងទ័ពអាមេរិក ដែលអាមេរិកកំពុងបញ្ជូនបន្ថែមទៀត ទៅអារ៉ាប៊ី សាអូឌីត និងអេមីរ៉ាត អារ៉ាប់រួម នៅក្រោយ ការវាយប្រហារទៅលើស្ថានីយ៍ផលិតប្រេងអារ៉ាប៊ី សាអូឌីត ដែលអាមេរិក និងប្រទេសសាមីខ្លួន ចោទទម្លាក់កំហុសដាក់អ៊ីរ៉ង់។ តាមប្រធានាធិបតីអ៊ីរ៉ង់ បើសិនមានការសហការជាមួយ បណ្តាប្រទេសនៅក្នុងតំបន់ នោះអ៊ីរ៉ង់ នឹងអាចនាំមុខ រក្សា សន្តិសុខ នៅតំបន់សមុទ្រពែរ្ស។ ប្រទេសក្នុងតំបន់ ដែលប្រធានាធិបតីអ៊ីរ៉ង់ ចង់សំដៅ ចង់សហការជាមួយ គឺ សុទ្ធតែជាប្រទេសគូសត្រូវរបស់អ៊ីរ៉ង់ ដូចជា អារ៉ាប៊ី សាអូឌីត អេមីរ៉ាត អារ៉ាប់រួម ឬក៏បារ៉ែនដែលស្ថិតនៅឈូងសមុទ្រពែរ្ស និងសមុទ្រអូម៉ង់។
តើអ៊ីរ៉ង់ អាចសហការជាមួយប្រទេសគូសត្រូវបានយ៉ាងម៉េច?
ប្រធានាធិបតីអ៊ីរ៉ង់នៅថ្ងៃអាទិត្យនេះ បាននិយាយថា នៅក្នុងកាលៈទេសៈដ៏សំខាន់ និងរសើប ដូចសព្វថ្ងៃនេះ អ៊ីរ៉ង់ ចង់ប្រាប់ទៅប្រទេសជិតខាងរបស់អ៊ីរ៉ង់ថា អ៊ីរ៉ង់ បោះដៃ មិត្តភាព និងភាតរៈ ទៅកាន់ពួកគេ។ សម្រាប់ប្រមុខដឹកនាំអ៊ីរ៉ង់ អ៊ីរ៉ង់សុខចិត្តបំភ្លេចចោល កំហុសឆ្គង ដែលប្រទេសទាំងនោះ ធ្លាប់បានប្រព្រឹត្តនៅក្នុងអតីតកាល ព្រោះដោយសារតែនៅក្នុងកាលៈទេសៈបច្ចុប្បន្ននេះ សត្រូវរបស់អ៊ីស្លាម និងតំបន់ដើមបូព៌ា ដូចជាអាមេរិក និងក្រុមមានមនោគមវិជ្ជាជ្រុលនិយមជ្វីហ្វ (អ៊ីស្រាអែល)កំពុងតែកេងយកចំណេញ ពីការដែលអ៊ីរ៉ង់កំពុងឈ្លោះ ជាមួយប្រទេសជិតខាង។
អារ៉ាប៊ី សាអូឌីត អន់ចិត្ត ដែលឃើញអាមេរិក អល់អែក
អារ៉ាប៊ី សាអូឌីតអាចនឹងយល់ព្រមមកសហការ ជាមួយអ៊ីរ៉ង់ វិញ ដោយក្នុងហេតុផលថា ទី ១ អារ៉ាប៊ី សាអូឌីត លែងសូវជឿទុកចិត្តថា នឹងបានទទួលការការពារពីអាមេរិក ដូចមុន។ អារ៉ាប៊ី សាអូឌីត បានឃើញច្បាស់ ការរារែក ជាបន្តបន្ទាប់ របស់រដ្ឋបាលលោកដូណាល់ ត្រាំដែលបានបដិសេធមិនវាយប្រហារយោធាលើអ៊ីរ៉ង់។
នៅក្រោយការវាយប្រហារទៅលើទីតាំងផលិតប្រេងអារ៉ាប៊ី សាអូឌីត លោកដូណាល់ ត្រាំ ធ្លាប់ប្រកាសថា អាមេរិកនឹងចាត់វិធានការក្តៅ ទៅអ៊ីរ៉ង់ ដើម្បីសងសឹកឲ្យសម្ព័ន្ធមិត្តរបស់ខ្លួន។ ប៉ុន្តែ នៅទីបំផុត ដូចលើកមុន ដែរ គឺនៅក្រោយ អ៊ីរ៉ង់ បាញ់ទម្លាក់ យន្តហោះដ្រូនរបស់អាមេរិក លោកដូណាល់ ត្រាំបានបដិសេធមិនធ្វើសង្រ្គាម វាយប្រហារលើអ៊ីរ៉ង់ ប៉ុន្តែ ជ្រើសរើសផ្លូវដាក់ទណ្ឌកម្មសេដ្ឋកិច្ចវិញ។
មួយវិញទៀត ការវាយប្រហារទៅលើស្ថានីយ៍ចម្រាញ់ប្រេង ដ៏សំខាន់របស់អារ៉ាប៊ី សាអូឌីតកាលពីថ្ងៃទី ១៤កញ្ញាកន្លងទៅ បង្ហាញពីចំណុចខ្សោយនៃប្រព័ន្ធការពារមីស៊ីលរបស់អារ៉ាប៊ី សាអូឌីត បើប្រៀបធៀប នឹងកម្លាំងមីស៊ីលរបស់អ៊ីរ៉ង់។ អារ៉ាប៊ី សាអូឌីតអាចសុខចិត្ត ងាកមកចុះសម្រុងជាមួយ អ៊ីរ៉ង់ វិញ ដើម្បីផលប្រយោជន៍សេដ្ឋកិច្ច ព្រោះថា ការនាំចេញប្រេង ត្រូវបានរអាក់រអួលនិងគ្រោះថ្នាក់ខ្លាំង ចាប់តាំងពីមានព្រឹត្តិការណ៍វាយប្រហារទៅលើកប៉ាល់ដឹកប្រេង ជាច្រើនលើក នៅឈូងសមុទ្រពែរ្ស៍ ដែលភាគច្រើនជារបស់ប្រទេសអារ៉ាប៊ី សាអូឌីត។ គេនៅមិនទាន់រកឃើញមុខឧក្រិដ្ឋជនដែលវាយប្រហារទៅលើកប៉ាល់ដឹកប្រេង នៅឈូងសមុទ្រពែរ្ស៍ ប៉ុន្តែ គេសំគាល់ឃើញថា ហេតុការណ៍នេះកើតកាន់តែញឹកញាប់ បន្ទាប់ពីអាមេរិកបានសម្រេចដាក់ទណ្ឌកម្មសេដ្ឋកិច្ចទៅលើអ៊ីរ៉ង់ និងបានបញ្ជូននាវាចម្បាំងជាច្រើនគ្រឿងទៅឈូងសមុទ្រ។ សម្រាប់អាមេរិក និងអ៊ីរ៉ង់ គឺអ៊ីរ៉ង់ដែលជាអ្នកលួចវាយប្រហារទៅលើកប៉ាល់ដឹកប្រេងកន្លងមក។
ដូច្នេះ បើសិនអ៊ីរ៉ង់ ចង់ឲ្យមានផែនការ សហការ ដើម្បីរក្សាសន្តិសុខ នៅតំបន់សមុទ្រពែរ្ស៍ សមុទ្រ អូម៉ង់ នោះ គឺច្បាស់ណាថា សន្តិសុខនឹងអាចកើតទៅបាន ព្រោះគឺ អ៊ីរ៉ង់ ដែលជាអ្នកនៅពីក្រោយា ការវាយប្រហារទៅលើកប៉ាល់ ដឹកប្រេងកន្លងមក។
អាមេរិកអាចយល់ឃើញដូច្នេះ និងអាចសុខចិត្តចរចា សម្របសម្រួលជាមួយ អ៊ីរ៉ង់វិញ។ ឈ្លោះ ជាមួយអ៊ីរ៉ង់នៅពេលនេះ គឺមិនផ្តល់ប្រយោជន៍ដល់អាមេរិកនោះទេ ជាពិសេសលោកដូណាល់ ត្រាំ។ ដរាបណាលោកដូណាល់ ត្រាំ សម្រេចចិត្តមិនវាយប្រហារយោធា ទៅលើអ៊ីរ៉ង់ អ៊ីរ៉ង់គឺនៅតែមានប្រៀប និងបន្តធ្វើព្យុះផ្គរ ដើម្បីធ្វើឲ្យតម្លៃប្រេងឡើងថ្លៃ ដែលនេះមិនមែនជារឿងល្អទេស សម្រាប់ប្រជាជនអាមេរិកាំង ដែលជាម្ចាស់សំឡេងឆ្នោត នៅក្នុងការបោះឆ្នោតប្រធានាធិបតី ឆ្នាំ ២០២០ ដែល លោកដូណាល់ ត្រាំ កំពុងឈរឈ្មោះសម្រាប់អាណត្តិថ្មី៕
សាន់ រូហានី ម្តង ដែលចេញមុខបរិហារវត្តមានទ័ពបរទេស នៅតំបន់ឈូងសមុទ្រពែរ្ស៍ នៅក្រោយអាមេរិកប្រកាសបញ្ជូនទ័ពបន្ថែមទៅអារ៉ាប៊ី សាអូឌីត កាលពីថ្ងៃសុក្រ។ សម្រាប់ប្រធានាធិបតី អ៊ីរ៉ង់ កងទ័ពបរទេស នាំតែបញ្ហា និងអសន្តិសុខដល់តំបន់។ នៅថ្ងៃអាទិត្យនេះ នៅក្នុងឱកាសថ្លែងទៅកាន់កងទ័ពអ៊ីរ៉ង់ ដែលចូលរួមក្នុងក្បួនព្យុហយាត្រា រំលឹកការឈ្លានពាន ធ្វើសង្រ្គាមជាមួយ អ៊ីរ៉ាក់ កាលពី ៣៩ឆ្នាំមុន ប្រមុខដឹកនាំអ៊ីរ៉ង់បានប្រកាសដែរថា លោកនឹងបង្ហាញ ផែនការសន្តិភាពនៅឈូងសមុទ្រពែរ្ស៍ នៅក្នុងអង្គមហាសន្និបាត អង្គការសហប្រជាជាតិ នៅសប្តាហ៍ក្រោយនេះ។
ប្រធានាធិបតី អ៊ីរ៉ង់ លោកហាសាន់ រូហានី មិនបាននិយាយលម្អិតច្រើន ពីផែនការសន្តិភាពរបស់លោកនោះទេ។ លោកគ្រាន់តែថា នៅក្នុងមហាសន្និបាត របស់អង្គការសហប្រជាជាតិ នៅសប្តាហ៍ក្រោយនេះ លោកនឹងបង្ហាញ ផែនការមួយស្តីពីការសហការនៅក្នុងតំបន់ ដើម្បីរក្សាសន្តិសុខ នៅឈូងសមុទ្រពែរ្ស៍ និងនៅសមុទ្រអូម៉ង់ ដែលជាច្រកដ៏សំខាន់មួយ នៃចរាចរណ៍ដឹកប្រេង អន្តរជាតិ។
សម្រាប់ប្រធានាធិបតីអ៊ីរ៉ង់ សន្តិសុខនៅក្នុងឈូងសមុទ្រពែរ្ស៍ ត្រូវកកើតចេញពីខាងក្នុង ពោលគឺត្រូវធានាឡើងដោយក្រុមប្រទេសនៅក្នុងតំបន់។ ចំណែកកងទ័ពបរទេស គឺគ្រាន់ជាប្រភពនៃបញ្ហា និងអសន្តិសុខសម្រាប់ប្រជាជន និងតំបន់ឈូងសមុទ្រពែរ្ស៍ទៅវិញទេ។ កងទ័ពបរទេសដែលប្រធានាធិបតី អ៊ីរ៉ង់ចង់សំដៅ គឺច្បាស់ណាស់ ថា ជាកងទ័ពអាមេរិក ដែលអាមេរិកកំពុងបញ្ជូនបន្ថែមទៀត ទៅអារ៉ាប៊ី សាអូឌីត និងអេមីរ៉ាត អារ៉ាប់រួម នៅក្រោយ ការវាយប្រហារទៅលើស្ថានីយ៍ផលិតប្រេងអារ៉ាប៊ី សាអូឌីត ដែលអាមេរិក និងប្រទេសសាមីខ្លួន ចោទទម្លាក់កំហុសដាក់អ៊ីរ៉ង់។ តាមប្រធានាធិបតីអ៊ីរ៉ង់ បើសិនមានការសហការជាមួយ បណ្តាប្រទេសនៅក្នុងតំបន់ នោះអ៊ីរ៉ង់ នឹងអាចនាំមុខ រក្សា សន្តិសុខ នៅតំបន់សមុទ្រពែរ្ស។ ប្រទេសក្នុងតំបន់ ដែលប្រធានាធិបតីអ៊ីរ៉ង់ ចង់សំដៅ ចង់សហការជាមួយ គឺ សុទ្ធតែជាប្រទេសគូសត្រូវរបស់អ៊ីរ៉ង់ ដូចជា អារ៉ាប៊ី សាអូឌីត អេមីរ៉ាត អារ៉ាប់រួម ឬក៏បារ៉ែនដែលស្ថិតនៅឈូងសមុទ្រពែរ្ស និងសមុទ្រអូម៉ង់។
តើអ៊ីរ៉ង់ អាចសហការជាមួយប្រទេសគូសត្រូវបានយ៉ាងម៉េច?
ប្រធានាធិបតីអ៊ីរ៉ង់នៅថ្ងៃអាទិត្យនេះ បាននិយាយថា នៅក្នុងកាលៈទេសៈដ៏សំខាន់ និងរសើប ដូចសព្វថ្ងៃនេះ អ៊ីរ៉ង់ ចង់ប្រាប់ទៅប្រទេសជិតខាងរបស់អ៊ីរ៉ង់ថា អ៊ីរ៉ង់ បោះដៃ មិត្តភាព និងភាតរៈ ទៅកាន់ពួកគេ។ សម្រាប់ប្រមុខដឹកនាំអ៊ីរ៉ង់ អ៊ីរ៉ង់សុខចិត្តបំភ្លេចចោល កំហុសឆ្គង ដែលប្រទេសទាំងនោះ ធ្លាប់បានប្រព្រឹត្តនៅក្នុងអតីតកាល ព្រោះដោយសារតែនៅក្នុងកាលៈទេសៈបច្ចុប្បន្ននេះ សត្រូវរបស់អ៊ីស្លាម និងតំបន់ដើមបូព៌ា ដូចជាអាមេរិក និងក្រុមមានមនោគមវិជ្ជាជ្រុលនិយមជ្វីហ្វ (អ៊ីស្រាអែល)កំពុងតែកេងយកចំណេញ ពីការដែលអ៊ីរ៉ង់កំពុងឈ្លោះ ជាមួយប្រទេសជិតខាង។
អារ៉ាប៊ី សាអូឌីត អន់ចិត្ត ដែលឃើញអាមេរិក អល់អែក
អារ៉ាប៊ី សាអូឌីតអាចនឹងយល់ព្រមមកសហការ ជាមួយអ៊ីរ៉ង់ វិញ ដោយក្នុងហេតុផលថា ទី ១ អារ៉ាប៊ី សាអូឌីត លែងសូវជឿទុកចិត្តថា នឹងបានទទួលការការពារពីអាមេរិក ដូចមុន។ អារ៉ាប៊ី សាអូឌីត បានឃើញច្បាស់ ការរារែក ជាបន្តបន្ទាប់ របស់រដ្ឋបាលលោកដូណាល់ ត្រាំដែលបានបដិសេធមិនវាយប្រហារយោធាលើអ៊ីរ៉ង់។
នៅក្រោយការវាយប្រហារទៅលើទីតាំងផលិតប្រេងអារ៉ាប៊ី សាអូឌីត លោកដូណាល់ ត្រាំ ធ្លាប់ប្រកាសថា អាមេរិកនឹងចាត់វិធានការក្តៅ ទៅអ៊ីរ៉ង់ ដើម្បីសងសឹកឲ្យសម្ព័ន្ធមិត្តរបស់ខ្លួន។ ប៉ុន្តែ នៅទីបំផុត ដូចលើកមុន ដែរ គឺនៅក្រោយ អ៊ីរ៉ង់ បាញ់ទម្លាក់ យន្តហោះដ្រូនរបស់អាមេរិក លោកដូណាល់ ត្រាំបានបដិសេធមិនធ្វើសង្រ្គាម វាយប្រហារលើអ៊ីរ៉ង់ ប៉ុន្តែ ជ្រើសរើសផ្លូវដាក់ទណ្ឌកម្មសេដ្ឋកិច្ចវិញ។
មួយវិញទៀត ការវាយប្រហារទៅលើស្ថានីយ៍ចម្រាញ់ប្រេង ដ៏សំខាន់របស់អារ៉ាប៊ី សាអូឌីតកាលពីថ្ងៃទី ១៤កញ្ញាកន្លងទៅ បង្ហាញពីចំណុចខ្សោយនៃប្រព័ន្ធការពារមីស៊ីលរបស់អារ៉ាប៊ី សាអូឌីត បើប្រៀបធៀប នឹងកម្លាំងមីស៊ីលរបស់អ៊ីរ៉ង់។ អារ៉ាប៊ី សាអូឌីតអាចសុខចិត្ត ងាកមកចុះសម្រុងជាមួយ អ៊ីរ៉ង់ វិញ ដើម្បីផលប្រយោជន៍សេដ្ឋកិច្ច ព្រោះថា ការនាំចេញប្រេង ត្រូវបានរអាក់រអួលនិងគ្រោះថ្នាក់ខ្លាំង ចាប់តាំងពីមានព្រឹត្តិការណ៍វាយប្រហារទៅលើកប៉ាល់ដឹកប្រេង ជាច្រើនលើក នៅឈូងសមុទ្រពែរ្ស៍ ដែលភាគច្រើនជារបស់ប្រទេសអារ៉ាប៊ី សាអូឌីត។ គេនៅមិនទាន់រកឃើញមុខឧក្រិដ្ឋជនដែលវាយប្រហារទៅលើកប៉ាល់ដឹកប្រេង នៅឈូងសមុទ្រពែរ្ស៍ ប៉ុន្តែ គេសំគាល់ឃើញថា ហេតុការណ៍នេះកើតកាន់តែញឹកញាប់ បន្ទាប់ពីអាមេរិកបានសម្រេចដាក់ទណ្ឌកម្មសេដ្ឋកិច្ចទៅលើអ៊ីរ៉ង់ និងបានបញ្ជូននាវាចម្បាំងជាច្រើនគ្រឿងទៅឈូងសមុទ្រ។ សម្រាប់អាមេរិក និងអ៊ីរ៉ង់ គឺអ៊ីរ៉ង់ដែលជាអ្នកលួចវាយប្រហារទៅលើកប៉ាល់ដឹកប្រេងកន្លងមក។
ដូច្នេះ បើសិនអ៊ីរ៉ង់ ចង់ឲ្យមានផែនការ សហការ ដើម្បីរក្សាសន្តិសុខ នៅតំបន់សមុទ្រពែរ្ស៍ សមុទ្រ អូម៉ង់ នោះ គឺច្បាស់ណាថា សន្តិសុខនឹងអាចកើតទៅបាន ព្រោះគឺ អ៊ីរ៉ង់ ដែលជាអ្នកនៅពីក្រោយា ការវាយប្រហារទៅលើកប៉ាល់ ដឹកប្រេងកន្លងមក។
អាមេរិកអាចយល់ឃើញដូច្នេះ និងអាចសុខចិត្តចរចា សម្របសម្រួលជាមួយ អ៊ីរ៉ង់វិញ។ ឈ្លោះ ជាមួយអ៊ីរ៉ង់នៅពេលនេះ គឺមិនផ្តល់ប្រយោជន៍ដល់អាមេរិកនោះទេ ជាពិសេសលោកដូណាល់ ត្រាំ។ ដរាបណាលោកដូណាល់ ត្រាំ សម្រេចចិត្តមិនវាយប្រហារយោធា ទៅលើអ៊ីរ៉ង់ អ៊ីរ៉ង់គឺនៅតែមានប្រៀប និងបន្តធ្វើព្យុះផ្គរ ដើម្បីធ្វើឲ្យតម្លៃប្រេងឡើងថ្លៃ ដែលនេះមិនមែនជារឿងល្អទេស សម្រាប់ប្រជាជនអាមេរិកាំង ដែលជាម្ចាស់សំឡេងឆ្នោត នៅក្នុងការបោះឆ្នោតប្រធានាធិបតី ឆ្នាំ ២០២០ ដែល លោកដូណាល់ ត្រាំ កំពុងឈរឈ្មោះសម្រាប់អាណត្តិថ្មី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ