កំណើនសេដ្ឋកិច្ចនៅអាមេរិកក្នុងត្រីមាសទី៤ ឆ្នំា ២០១៤ មានការថយចុះជាងការគិតទុក
នៅសហរដ្ឋអាមេរិក ក្រសួងពាណិជ្ជកម្មបានឲ្យដឹងនៅថ្ងៃសុក្រ ទី៣០ មករាថា អត្រាកំណើនសេដ្ឋកិច្ចសម្រាប់ត្រីមាសទី៤ ឆ្នំា ២០១៤ អាចនឹងមានចំនួនតែ ២,៦% ប៉ុណ្ណោះ ពោលគឺតិចជាងការគ្រោងទុកដែលគេរំពឹងថាអាចមាន ៣,២%។ ហេតុផលត្រូវបានក្រសួងពាណិជ្ជកម្មលើកឡើងថា មកពីតម្លៃប្រេងឆៅធ្លាក់ថ្លៃ តម្លៃប្រាក់ដុល្លារឡើងថ្លៃ និងរួមផ្សំដោយបរិបទសេដ្ឋកិច្ចពិភពលោកមិនទៀងទាត់។ គួររម្លឹកជូនថា នៅក្នុងត្រីមាសទី៣ ឆ្នំា ២០១៤ ដដែល អាមេរិកទទួលបានកំណើនសេដ្ឋកិច្ចដល់ទៅ ៥%។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៣
បើគិតពេញមួយឆ្នំា ២០១៤ អាមេរិកទទួលបានកំណើនសេដ្ឋកិច្ចប្រមាណតែ ២,៤% ពោលច្រើនជាងបន្តិចបើធៀបនឹងឆ្នំា ២០១៣ ដែលមាន ២,២%។ តែចំណុចវិជ្ជមានគួរឲ្យកត់សម្គាល់នៅក្នុងត្រីមាសទី៤ ឆ្នំា ២០១៤ គឺកំណើននៃការចាយវាយរបស់ពលរដ្ឋអាមេរិកំាងចំនួន ៤,៣% ដែលជាកម្រិតមួយយ៉ាងខ្ពស់គិតតំាងពីជិត ៨ឆ្នំាកន្លងទៅ ហើយគឺតម្លៃប្រេងឆៅធ្លាក់ថ្លៃនោះឯងដែលបានជម្រុញឲ្យពលរដ្ឋអាមេរិកំាងឆ្លៀតបង្កើនការចាយវាយរបស់ខ្លួន។ តែទន្ទឹមគ្នានេះ ការធ្វើវិនិយោគរបស់រោងចក្រ សហគ្រាសក្នុងត្រីមាសទី៤ បានធ្លាក់ចុះមកនៅត្រឹមតែ ១,៩% ប៉ុណ្ណោះបើធៀបនឹងត្រីមាសទី៣ ដែលមានដល់ទៅ ៨,៩%។ ចំណែកការធ្វើវិនិយោគក្នុងផ្នែកគ្រឿងបរិក្ខារក៏បានធ្លាក់ចុះចំនួន ១,៩% ក្នុងត្រីមាសទី៤ ដែរ។
ទាក់ទងនឹងវិស័យនំាចេញវិញ ក៏បានថយចុះមកនៅត្រឹម ២,៨% ទល់នឹង ៤,៥% នៅក្នុងត្រីមាសទី៣ មូលហេតុមកពីតម្លៃប្រាក់ដុល្លារឡើងថ្លៃ រួមផ្សំនឹងបរិបទសេដ្ឋកិច្ចពិភពលោកមិនទៀងទាត់។ កាលពីថ្ងៃពុធ ទី២៨ មករា គណៈកម្មាធិការនៃធនាគារកណ្តាលបានបញ្ជាក់ថា គេត្រូវរង់ចំាមួយរយៈខ្លីទៀតទំរំាតែស្ថានការណ៍សេដ្ឋកិច្ចអាចនឹងវិលមករកភាពប្រក្រតីឡើងវិញ។ គួររម្លឹកជូនថាថ្មីៗនេះ ធនាគារកណ្តាលទើបបានសម្រេចរក្សាទុកអត្រាការប្រាក់នំាមុខឲ្យនៅទាបដដែលក្នុងបំណងជួយផ្តល់សន្ទុះសេដ្ឋកិច្ចឡើងវិញ។
ដោយឡែកក្នុងថ្ងៃសុក្រ ទី៣០ មករាដដែល ក្រសួងការងារក៏បានចេញផ្សាយរបាយការណ៍មួយដាច់ដោយឡែកដោយបញ្ជាក់ថា ចំនួនការងារមានការកើនឡើងចំនួន ០,៦% ពោលច្រើនជាងការរំពឹងដែលមានចំនួន ០,៥%។ ចំណែកអត្រាអតិផរណាដែលធនាគារកណ្តាលកំណត់ឲ្យមានត្រឹមតែ ២% ក៏កំពុងមានកម្រិតទាបជាង ២% ដែរនៅពេលបច្ចុប្បន្ន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ