ការប្រយុទ្ធប្រឆាំងនឹងអាល់កៃដា នៅអាហ្វហ្កានិស្តង់ នៅទីបំផុតទៅនឹងទទួលជោគជ័យ
បន្ទាប់ពីការដកលោកឧត្តមសេនីយ McChrystal ចេញពីមុខតំណែងនិងការតែងតាំងលោកឧត្តមសេនីយ Petraeusឲ្យជំនួសគាត់វិញ អាហ្វហ្កានិស្តង់ គឺជាប្រធានបទសំខាន់ជាងគេនៅក្នុងនាទីតស៊ូមតិនយោបាយផ្សាយតាម បណ្តាញទូរទស្សន៍ នៅថ្ងៃអាទិត្យ ២៧ មិថុនាម្សិលមិញ។ ក្នុងចំណោមភ្ញៀវនៃបណ្តាញទូរទស្សន៍នានា មាននាយកក្រសួងស៊ើបការណ៍សម្ងាត់អាមេរិកាំង សេអ៊ីអា គឺលោក Leon Panetta ដែលនៅក្នុងបទសម្ភាសន៍កម្រផ្តល់ឲ្យតាមបណ្តាញទូរទស្សន៍ ABC បានបង្ហាញអំពីសភាពការណ៍ពិតប្រាកដនៃសង្រ្គាមនៅអាហ្វហ្កានិស្តង់។
ចុះផ្សាយនៅថ្ងៃ៖
សេចក្តីប្រែសម្រួលរបស់វីនស្តុន រតនា
តើសហរដ្ឋអាមេរិកនិងសម្ព័ន្ធមិត្តកំពុងតែច្បាំងឈ្នះសង្គ្រាម នៅអាហ្វហ្កានិស្តង់ឬទេ? --នេះជាសំនួរដែលលោកនាយកក្រសួងស៊ើបការណ៍សម្ងាត់អាមេរិកាំង សេអ៊ីអា ពុំបានឆ្លើយតបទេ។ប៉ុន្តែ គាត់បានកំណត់ថាគឺជាជ័យជំនះ ដ្បិតប្រទេសមួយប្រកបដោយស្ថិរភាពគ្រប់គ្រាន់ ដើម្បីមិនក្លាយទៅជាទីជម្រកមួយសំរាប់បណ្តាញភេរវនិយមអន្តរជាតិ អាល់-កៃដាឬក៏សំរាប់ចលនាតាលីបង់ដែលនឹងហៅអង្គការអ៊ីស្លាមនិយមជ្រុលឱ្យមកតាំងនៅនោះទេ។គាត់បានទទួលសារភាពថា ពួកតាលីបង់បានបង្កើនការវាយប្រហាររបស់វា នាពេលថ្មីៗ ប៉ុន្តែពួកវាអាចត្រូវគេមើលពីខាងក្រៅមានអានុភាពខ្លាំងជាងមុន ប៉ុន្តែតាមការពិតវិញ ពួកវាទន់ខ្សោយជាងមុន -នេះជាប្រសាសន៍របស់លោកLeon Panetta ពីព្រោះពួកមេកើយវាមួយចំនួនត្រូវបានកំចាត់កំទេច ជាអាទិ៍ ត្រូវបានកំទេចដោយយន្តហោះអាមេរិកាំងគ្មានអ្នកបើកបរ បញ្ជាពីចម្ងាយហៅថា drones។ទាក់ទងនឹងពួកអាល់ -កៃដា ពួកវាមានចំនួនតែពី៥០ទៅ១០០នាក់ប៉ុណ្ណោះ នៅអាហ្វហ្កានិស្តង់ ប៉ុន្តែមេកើយធំបំផុតឈ្មោះOussama Ben Laden នៅតែត្រូវគេរកពុំឃើញសោះ។
ស្របតាមនាយកក្រសួងស៊ើបការណ៍សម្ងាត់ សេអ៊ីអា សហរដ្ឋអាមេរិកលែងមានព័ត៌មានជាក់លាក់អំពីទីកន្លែងពួនលាក់ខ្លួនរបស់មេភេរវជននេះ ចាប់តាំងពីដើមទសវត្សឆ្នាំ២០០០មកម៉្លេះ។ “ ដោយប្រត្យក្ស គាត់ចេះពួនសម្ងំលាក់ខ្លួន ក្នុងតំបន់កុលសម្ព័ន្ធ នៅប្រទេសប៉ាគីស្តង់ “ ។ប៉ុន្តែ លោកPanettaជឿជាក់ថា គាត់នឹងត្រូវយើងចាប់ខ្លួនបាន នៅថ្ងៃណាមួយ។គាត់យល់ឃើញថា មានការចម្រើនលូតលាស់ក្នុងអំឡុងពេល៩ឆ្នាំនៃសង្គ្រាម។ “ គឺជាការពិបាកជាងនិងយឺតយូរជាងអ្វីដែលយើងបានប្រមើលទុក “ -នេះជាសំដីរបស់គាត់ ដោយគាត់ពោលបន្ថែមថា កូនសោនៃជោគជ័យពុំអាស្រ័យតែនឹងសហរដ្ឋអាមេរិកហើយនឹងសម្ព័ន្ធមិត្តប៉ុណ្ណោះទេ ប៉ុន្តែក៏អាស្រ័យនឹងសមត្ថភាពនៃកងកម្លាំងទ័ពអាហ្វហ្កានិស្តង់ក្នុងការផ្លាស់វេនបន្តពីយើងនិងក្នុងការរក្សាស្ថិរភាព បន្ទាប់ពីការចាកចេញទៅនៃកងកម្លាំងទ័ពចម្រុះអន្តរជាតិ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ