ទស្សនកិច្ចរបស់លោកនីកូឡាសាកូហ្ស៊ីនៅប្រទេសតួកគី
ក្រោយពីបានប្រកាសឲ្យដឹងហើយនិងក្រោយពីបានលើកយកទៅដាក់នៅ ពេលក្រោយវិញជាច្រើនលើកច្រើនសារមក នៅទីបំផុតទស្សនកិច្ចរបស់លោកប្រធានាធិបតីបារាំងនីកូឡាសាកូហ្ស៊ី នៅប្រទេសតួកគីបានប្រព្រឹត្តទៅនៅថ្ងៃទី២៥កុម្ភៈឆ្នាំ២០១១។ ក៏ប៉ុន្តែ អ្នកដឹកនាំតួកគីពុំពេញចិត្តសោះឡើយនឹងទស្សកិច្ចដ៏ខ្លីដែលមាន រយៈពេលតែ៥ឬ៦ម៉ោងនោះ។
ចុះផ្សាយនៅថ្ងៃ៖
សេចក្តីរាយការណ៍របស់ សៀក សារិន
ជាច្រើមខែកន្លងមក ក្រោយពីបានប្រកាសឲ្យដឹងហើយនិងក្រោយពីបានលើកយកទៅដាក់នៅពេលក្រោយវិញជាច្រើនលើកច្រើនសារមក នៅទីបំផុតទស្សនកិច្ចរបស់លោកនីកូឡាសាកូហ្ស៊ីនៅប្រទេសតួកគីបានប្រព្រឹត្តទៅ ដូចគេបានក្រែងបារម្ភអំពីភាពរកាំរកូសដែលអាចកើតមាន។ សារព័ត៌មានក្នុងស្រុកបានសម្តែងឲ្យឃើញនូវការខកចិត្តរបស់គេចំពោះទស្សនកិច្ចដ៏ខ្លីរបស់លោកប្រធានាធិបតីបារាំងនីកូឡាសាកូហ្ស៊ីដែលមានត្រឹមតែប៉ុន្មានម៉ោងប៉ុណ្ណោះនៅរដ្ឋធានីអង់ការ៉ា ហើយសារព័ត៌មានតួកគីក៏បានផងទៀតថ្លែងដូចលោកនាយករដ្ឋមន្ត្រីតួកគីErdogan ឲ្យដឹងពីការពុំពេញចិត្តរបស់ប្រទេសតួកគីចំពោះឥរិយាបថរបស់លោកប្រធានាធិបតីបារាំង។
លោកនាយករដ្ឋមន្ត្រីតួកគីErdoganបានគូសបញ្ជាក់ឲ្យដឹងទៀតថា ទីក្រុងអង់ការ៉ាស្ដាយណាស់ដែលពុំបានទទួលលោកសាកូហ្ស៊ីក្នុងឋានៈជាប្រធានាធិបតីបារាំង តែបែរជាបានទទួលលោកប្រធាននៃក្រុមប្រទេសឧស្សាហកម្មG20ទៅវិញ។ ដោយហេតុថា កាលពីឆ្នាំទៅ លោកនាយករដ្ឋមន្ត្រីតួកគីErdoganបានអញ្ជើញទៅបំពេញទស្សនកិច្ចនៅប្រទេសបារាំង ហើយបានអញ្ជើញលោកសាកូហ្ស៊ីឲ្យមកបំពេញទស្សនកិច្ចនៅប្រទេសតួកគីវិញ។ ក៏ប៉ុន្តែទស្សនកិច្ចរបស់លោកសាកូហ្ស៊ីបានត្រូវលើកជាច្រើនលើកច្រើនសារ ដល់ទីបំផុតលោកសាកូហ្ស៊ីអញ្ជើញមកបំពេញទស្សនកិច្ចតែប៉ុន្មានម៉ោងប៉ុណ្ណោះដែលជាការពុំសមស្របនឹងកំពស់នៃចំណងមិត្តភាពបារាំង-តួកគី។
សូមបញ្ជាក់ថា ទស្សនកិច្ចការងារ៥ឬ៦ម៉ោងរបស់លោកសាកូហ្ស៊ីនៅទីក្រុងអង់ការ៉ានេះប្រព្រឹត្តទៅដោយមានកិច្ចពិភាក្សាពីរលើក៖
ទី១-ជាមួយលោកនាយករដ្ឋមន្ត្រីតួកគីErdogan។
ទី២-ជាមួយលោកប្រធានាធិបតីGülដែលត្រូវមានសន្និសីទរួមគ្នាមួយ។
ប្រទេសតួកគីចង់ចរចាពីប្រធានបទសំខាន់ៗពីរគឺ៖
ទី១-អំពីការសុំចូលជាសមាជិកនៃសហភាពអឺរ៉ុប។
ទី២-អំពីការលើកចេញពុំចាំបាច់ឲ្យប្រជាជនតួកគីសុំទិដ្ឋាការពីប្រទេសសមាជិកនៃសហភាពអឺរ៉ុប។
ក៏ប៉ុន្តែដោយគ្មានពេលវេលាគ្រប់គ្រាន់ បញ្ហាទាំងពីរនេះនឹងត្រូវលើកយកទៅចរចានៅពេលក្រោយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ