ចិនធ្វើកូនកោះសិប្បនិមិត្តក្នុងឈូងសមុទ្រចិនខាងត្បូង
ប្រទេសចិនបានថ្លែងឲ្យដឹងថា ខ្លួនកំពុងតែ បើកការដ្ឋានសាងសង់ កូនកោះសិប្បនិមិត្តមួយ នៅក្បែរប្រជុំកោះ សប្រាតលៃស៍ ក្នុងឈូងសមុទ្រចិនខាងត្បូង។ ការធ្វើបែបនេះ ចិនមានចេតនា បំភ័យ ប្រទេសជិតខាង ដែលកំពុងតែមានជម្លោះជាមួយចិន ក្នុងការដណ្តើមគ្នាកាន់កាប់ដែនកោះ នៅក្នុងឈូងសមុទ្រនេះ ព្រោះកូនកោះសិប្បនិមិត្តនេះ នឹងក្លាយជាព្រលានយន្តហោះ ហើយនឹងជាកំពង់ផែ សម្រាប់ឲ្យនាវាចម្បាំងចិនចូលចតទៀត។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣៩
មេបញ្ជាការកងទ័ពចិនបាន ថ្លែងឲ្យដឹងថា កងទ័ពចិន បានកំពុងសាងសង់កូនកោះសិប្បនិម្មិតមួយ នៅក្បែរប្រជុំកោះសប្រាតលៃស៍ ក្នុងឈូងសមុទ្រចិនខាងត្បូង។ ការដ្ឋានបានចាប់ផ្តើមអស់រយៈពេលបីខែមកហើយ។ នេះជាគម្រោងទីមួយហើយដែលចិន បានកសាងកូនកោះសិប្បនិម្មិត ដែលនៅលើកោះនេះ នឹងមានសាងសង់ព្រលានយន្តហោះមួយ ព្រមទាំងមានកំពង់ផែដើម្បីអនុញ្ញាតឲ្យនាវាចម្បាំងរបស់ចិនចូលចតទៀតផង។ កោះនេះ មានបណ្តោយ៣គីឡូមែត្រ និងទទឹងពី២០០ ទៅ៣០០មែត្រ។
ក្រសួងការបរទេសអាមេរិក ក៏បានបញ្ជាក់ផងដែរថា ចិនពិតជាកំពុងកសាងកោះ នៅក្នុងតំបន់ដែលមានជម្លោះពិតមែន។ មេបញ្ជាការកងទ័ពចិន បានបញ្ជាក់ថា ការកសាងនេះ វាជាគម្រោងដោយស្របច្បាប់ និងត្រឹមត្រូវសមហេតុល។ លោកបន្តថា បើសហរដ្ឋអាមេរិកអះអាងថាខ្លួននៅកណ្តាល មិនកាន់ជើងខាងណាមួយ សហរដ្ឋអាមេរិកគ្មានសិទ្ធិហាមឃាត់ការសាងសង់នេះទេ ព្រោះថា កន្លងមក ហ្វីលីពីន ម៉ាឡេស៊ី និងវៀតណាម ធ្លាប់បានសាងសង់ហេត្ថារចនាសម្ព័ន្ធយោធា នៅលើប្រជុំកោះនេះរួចមកហើយ។
សូមបញ្ជាក់ថាប្រជុំកោះ សប្រាតលៃស៍(Spratleys) និងប្រជុំកោះ (Paracels) ដែលស្ថិតនៅក្នុងឈូងសមុទ្រចិនខាងត្បូង គឺជាទីលានប្រទុស្តរាយគ្នា រវាង ចិន តៃវ៉ាន់ ហ្វីលីពីន ម៉ាឡេស៊ី និងវៀតណាម។ ភាគីទាំងអស់ដណ្តើមគ្នាកាន់កាប់ដែនកោះ និងដែនសមុទ្រនៅតំបន់ទាំងនេះ យកតែរៀងៗខ្លួន។ កន្លងមកម្នាក់ៗ ព្យាយាមកម្ញើញគ្នាទៅវិញទៅមក។
ការសាងសង់កូនកោះសិប្បនិមិត្តបស់ចិននេះ ចិនចង់បង្ហាញថា ចិនមានសមត្ថភាពខ្ពស់ ហើយក្នុងករណីមានជម្លោះ ចិនមានលទ្ធភាពងាយស្រួលណាស់ ក្នុងការយកឈ្នះគូបដិបក្ស។ ម្នាក់ៗសម្លឹងឃើញវិសាលភាពសេដ្ឋកិច្ចរៀងៗខ្លួន ដែលបានមកពីការគ្រប់គ្រងដែនកោះតំបន់នេះ ព្រោះវាជាផ្លូវចេញចូលនាវាដឹកទំនិញ និងសម្បូរធនធានរ៉ែ នៅបាតសមុទ្រទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ