មានរឿងអាស្រូវថ្មីមួយទៀតនៅជុំវិញការលួចគេងបន្លំមូលនិធិធនាគារ
គឺជារឿងអាស្រូវថ្មីមួយទៀតនៅវៀតណាម ចាប់តាំងពីមានការផ្តន្ទាទោសដាក់គុកចំនួន៣០ ឆ្នាំទៅលើមហាសេដ្ឋីមួយរូបកាលពីខែ ធ្នូឆ្នាំ២០១៥។ មហាសេដ្ឋីរូបនោះដែលធ្លាប់បំរើការនៅក្នុងធនាគារដ៏ល្បីល្បាញមួយនៅក្នុងប្រទេស ត្រូវបានជាប់ទោសពីបទលួចគេងបន្លំលុយរដ្ឋជាច្រើនលានដុល្លារអាមេរិកនិងដែលបណ្តាលឲ្យវិស័យសេដ្ឋកិច្ចជួបប្រទះនឹងភាពវឹកវរនៅក្នុងប្រទេស។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០២
គឺជារឿងអាស្រូវថ្មីមួយទៀតនៅវៀតណាម ចាប់តាំងពីមានការផ្តន្ទាទោសដាក់គុកចំនួន៣០ ឆ្នាំទៅលើមហាសេដ្ឋីមួយរូបកាលពីខែ ធ្នូឆ្នាំ២០១៥។ មហាសេដ្ឋីរូបនោះដែលធ្លាប់បំរើការនៅក្នុងធនាគារដ៏ល្បីល្បាញមួយនៅក្នុងប្រទេស ត្រូវបានជាប់ទោសពីបទលួចគេងបន្លំលុយរដ្ឋជាច្រើនលានដុល្លារអាមេរិកនិងដែលបណ្តាលឲ្យវិស័យសេដ្ឋកិច្ចជួបប្រទះនឹងភាពវឹកវរនៅក្នុងប្រទេស។
សំណុំរឿងអាស្រូវថ្មីដែលអាជ្ញាធរវៀតណាម ជូនដំណឹងនៅថ្ងៃពុធទី៣កុម្ភៈ គឺជាសំណុំរឿងមួយ ជាប់ពាក់ព័ន្ធជាមួយនឹងអតីតប្រធានធនាគារ MHB ធនាគារដែលឥឡូវនេះ បានដាក់លាយបញ្ជូលជាមួយធនាគាររដ្ឋមួយដ៏សំខាន់ឈ្មោះ Bank for Investment។ អតីតប្រធានធនាគារ MHB នេះ ស្ថិតនៅក្នុងចំណោមជនជាប់ចោទ ចំនួន ៩នាក់ដែលត្រូវបាន អាជ្ញាធរចាប់ខ្លួននៅក្នុងបទចោទប្រកាន់ “បានរំលោភអំណាច”និង”បង្កឲ្យរដ្ឋវៀតណាម ខាតបង់ប្រាក់ជាច្រើនលានដុល្លារ”។ ជនជាប់ចោទទាំង៩រូបខាងលើនេះ អាចនឹងត្រូវជាប់គុកចំនួន១៥ឆ្នាំក្នុងម្នាក់ៗ។
គួររំលឹកថា អាជ្ញាធរវៀតណាម បានចាប់ផ្តើមធ្វើកំណែទម្រង់យ៉ាងស៊ីជម្រៅនៅលើប្រព័ន្ធធនាគារចាប់តាំងពីឆ្នាំ ២០១១ម្ល៉េះ ក្នុងគោលដៅដើម្បីប៉ុនប៉ងធ្វើការបោសជំរះឲ្យអស់ អំពើពុករលួយនានាដែលកំពុងរីករាលដាលស៊ីរូងផ្ទៃក្នុងនិងដែលបានជម្រុញឲ្យវិស័យធនាគារនេះ កប់ផុងខ្លួនជ្រៅនៅក្នុងវិបត្តិប្រាក់បំណុល។
នៅក្នុងបោសសំអាតលើអំពើពុករលួយនេះ កាលពីខែកក្កដាឆ្នាំ២០១៥ អាជ្ញាធរវៀតណាម បានចាប់ខ្លួន លោក Nguyen Xuan son ដែលជាអតីតប្រធាននៃក្រុមហ៊ុនរដ្ឋមួយឈ្មោះ PetroVietnam ក្រោយបន្ទាប់ពីធនាគារក្នុងស្រុកមួយឈ្មោះOcean Bank កត់សម្គាល់ឃើញថាក្រុមហ៊ុនរបស់លោក Nguyen Xuan Son ខាតបង់ទឹកប្រាក់ ៣៨លានដុល្លារអាមេរិក។
អតីតប្រធានក្រុមហ៊ុន PetroVietnam ដែលត្រូវបានអាជ្ញាធរចាប់ខ្លួននេះ ក៏ជាអ្នកមានសម្បត្តិស្តុកស្តម្ភម្នាក់នៅក្នុងចំណោមអ្នកមានទ្រពធនដ៏សម្បើមជាងគេនៅក្នុងប្រទេសវៀតណាម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ