ភូមាត្រូវធ្វើការងារឲ្យបានពេញទំហឹងដើម្បីកសាងប្រជាធិបតេយ្យដ៏ពិតប្រាកដមួយ”
ភូមាកំពុងជួបការលំបាកច្រើននៅក្នុងការកសាងប្រទេសប្រជាធិបតេយ្យពេញលេញមួយ បន្ទាប់ពីបានស្ថិតនៅក្រោមការកាន់កាប់នៃរបបសឹកជាងកន្លះសតវត្សរ៍មក។ នេះជាការលើកបញ្ជាក់របស់លោកស្រីអ៊ុង សានស៊ូជី ថ្នាក់ដឹកនាំស្របច្បាប់ភូមានៅថ្ងៃពុធម្សិលមិញនាឱកាសបំពេញទស្សនៈកិច្ចផ្លូវការណ៍នៅប្រទេសឥណ្ឌា។
ចុះផ្សាយនៅថ្ងៃ៖
ស្តាប់ - ០១:៣៨
ប្រមុខការទូតភូមា បានថ្លែងកាលពីថ្ងៃពុធម្សិលមិញនថា “ក្នុងនាមជាប្រជាជាតិមួយ យើងកំពុងតែជួបនឹងការលំបាកច្រើននៅក្នុងការរៀបចំកសាងវប្បធម៌ប្រជាធិបតេយ្យពេញលេញមួយ-នេះជាប្រសាសន៍របស់លោកស្រី អ៊ុង សានស៊ូជី នៅថ្ងៃពុធម្សិលមិញនៅឱកាសបំពេញទស្សនៈកិច្ចនៅឥណ្ឌា។
ម្យ៉ាងទៀត បន្ទាប់ពីជំនួបប្រាស្រ័យជាមួយនាយករដ្ឋមន្ត្រីឥណ្ឌា Narendra Modi រួចមក ថ្នាក់ដឹកនាំភូមានេះ ដែលមានសុទិដ្ឋិនិយមនៅក្នុងការកសាងប្រទេសជាតិខ្លួន បានអះអាងទៀត ថា"ទោះបីជាភូមាត្រូវប្រឈមមុខនឹងបញ្ហាគ្រប់ជំពូកក្តី ក៏ភូមានៅតែអាចដណ្តើមយកជ័យជំនះនេះបាននៅថ្ងៃមុខ ពីព្រោះប្រជាជនភូមា មានមនៈសិការនិងឆន្ទះដ៏ស្រួចស្រាវនៅលើការកសាងប្រទេសជាតិខ្លួន។
មានរូបដំណាងជាអ្នកប្រឆាំងដើម្បីលិទ្ធិប្រជាធិបតេយ្យនៅក្នុងប្រទេសជាយូរពេលមកហើយនោះ លោកស្រី អ៊ុង សានស៊ូជីដែលក៏ជាជ័យលាភីរង្វាន់ណូបែលសន្តិភាពដែរនោះ បានប្រឈមមុខនឹងរលកនៃការរិះគន់ថ្មីមួយចំនួនពីសំណាក់លោកខាងលិចចាប់តាំងពីលោកស្រី បានទទួលភារៈកិច្ចនៅក្នុងការដឹកនាំប្រទេសភូមាមក។
លោកខាងលិច ដែលបានធ្វើការបន្ទោសថ្នាក់ដឹកនាំភូមារូបនេះ ថាពុំបានចាត់វិធានការឲ្យបានដិតដល់ទេនៅក្នុងការផ្សះផ្សាជាតិនិងក៏ពុំបានទទួលជោគជ័យដែរនៅក្នុងការបិទបញ្ចប់ជម្លោះប្រដាប់អាវុធជាមួយជាតិពិន្ទុជាច្រើនក្រុមនៅក្នុងប្រទេសដែរ។
លោកស្រីស៊ូជី នាឧកាសជួបជាមួយនាយករដ្ឋមន្ត្រីឥណ្ឌា បានថ្លែងសរសើរចំពោះឥណ្ឌាថាជាប្រទេសប្រកបដោយលិទ្ធិប្រជាធិបតេយ្យមួយដ៏ធំជាងគេបំផុតនៅលើលោក។ ហើយលោកស្រី ក៏សង្ឃឹមដែរថា ឥណ្ឌានឹងជួយជ្រោមជ្រែងភូមាដ៏វ័យក្មេងខ្ចីនេះនៅក្នុងការកសាងប្រទេសថ្មីមួយដែលប្រកបដោយលិទ្ធិប្រជាធិបតេយ្យពេញលេញ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ