ប៉ាគីស្ថានគម្រាមប្រកាសសង្គ្រាមនុយក្លេអ៊ែរជាមួយអ៊ីស្រាអែលព្រោះតែជឿលើព័ត៌មានមិនពិត
រដ្ឋមន្ត្រីក្រសួងការពារជាតិប៉ាគីស្ថាន ប្រកាសសង្ក្រាមនុយក្លេអ៊ែរទល់នឹងអ៊ីស្រាអែលដោយសារតែជាជឿលើពត័មានមិនពិតមួយដែលផ្សព្វផ្សាយនៅតាមបណ្តាញវិបសៃរ៍។ ទង្វើដ៏ឆ្គាំឆ្គងរបស់រដ្ឋមន្ត្រីការពារជាតិប៉ាគីស្ថាននេះ ត្រូវបានមតិសាធារណៈក្នុងប្រទេសធ្វើការរិះគន់យ៉ាងខ្លាំងក្លា។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៦
រដ្ឋមន្ត្រីការពារជាតិប៉ាគីស្ថាន ប្រកាសសង្គ្រាមនុយក្លេអ៊ែរទល់នឹងអ៊ីស្រាអែលតាមប្រព័ន្ធ Twitter ក្រោយពីមានព័ត៌មានមិនពិតមួយផ្សព្វផ្សាយតាមប្រព័ន្ធវិបសៃរ៍ ដែលអះអាងថាអតីតរដ្ឋមន្ត្រីការពារជាតិអ៊ីស្រាអែល គំរាមវាយប្រហារនុយក្លេរអ៊ែរប្រឆាំងប៉ាគីស្ថាន បើសិនប៉ាគីស្ថាន ហ៊ានបញ្ជូនទ័ពទៅកាន់ទឹកដីស៊ីរី ក្រោមលេសថាទៅជួយវាយប្រហារប្រឆាំងពួកអង្គការរដ្ឋអ៊ីស្លាមជីហាត។
ជាបន្ទាន់ភ្លាមនោះ ក្រសួងការពារជាតិអ៊ីស្រាអែល បានធ្វើការឆ្លើយតបចំពោះរដ្ឋមន្ត្រីការពារជាតិប៉ាគីស្ថានជាបន្ទាន់តាមរយៈTweeter ដោយអះអាងថា ពាក្យសំដីដែលផ្សព្វផ្សាយនៅតាមបណ្តាញវិបសៃរ៍កាលពីថ្ងៃមុននោះ គឺជាព័តមានខុសទាំងស្រុងនិងពុំមាននណាមួយលើកនិយាយទាល់តែសោះដែរ។
អំពើឆ្គាំឆ្គងដ៏ជាក់សែ្តងរបស់រដ្ឋមន្ត្រីការពារជាតិប៉ាគីស្ថាននៅពេលនេះ ដែលត្រូវបានប្រព្រឹត្តទៅជួនចំពេលដែលព័តមានមិនពិត បានរីកសុះសាយយ៉ាងខ្លាំងនៅតាមបណ្តាញសង្គមនានា ត្រូវបានមតិសាធារណៈនៅក្នុងប្រទេស ធ្វើការរិះគន់យ៉ាងខ្លាំងក្លា។
គួររំលឹកថា ប្រទេសអ៊ីស្រាអែល ពុំដែលប្រកាសថាប្រទេសខ្លួនមានអាវុធបរិមាណូឡើយ ក៏ប៉ុន្តែ យ៉ាងហោចណាស់ក៏ប្រទេសតូចមួយនេះ ត្រូវបានពិភពលោកចាត់ទុកដែរថាជាប្រទេសមហាអំណាចនុយក្លេអ៊ែរតែមួយគត់នៅក្នុងតំបន់ដើមបូព៌ា។
រីឯប្រទេស ប៉ាគីស្ថានវិញ ធ្លាប់បានធ្វើការសាកល្បងអាវុធនុយក្លេអ៊ែររបស់ខ្លួនជាលើកទីមួយនៅក្នុងឆ្នាំ១៩៩៨ ហើយសពា្វវុធនុយក្លេអ៊ែររបស់ប្រទេសនេះវិញ មានប្រមាណជា១២០គ្រាប់ គឺមានចំនួនច្រើនជាងប្រទេសឥណ្ឌានិងកូរ៉េខាងជើង។
គួរបញ្ជាក់ដែរថា ប៉ាគីស្ថាន ពុំដែលមានទំនាក់ទំនងការទូតជាមួយនឹងប្រទេសអ៊ីស្រាអែលទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ