ជប៉ុនបញ្ជូននាវាយោធាយក្ខរបស់ខ្លួនទៅកាន់តំបន់ឧបទ្វីបកូរ៉េ
ប្រទេសជប៉ុន បញ្ជូននាវាយោធាយក្ខរបស់ខ្លួនដែលសាងសង់តាំងពីជំនាន់សង្គ្រាមលោកលើកទី២ ទៅកាន់ឧបទ្វីបកូរ៉េ។ គឺជានាវាផ្ទុកឧត្ថម្ភភាគចក្រឈ្មោះ Izumo ដែលត្រូវទៅជួបនាវាផ្ទុកយន្តហោះដ៏ទំនើបបំផុតរបស់អាមេរិកឈ្មោះ Carl Vinson ដែលកំពុងស្ថិតនៅឧបទ្វីបកូរ៉េ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣៥
នាវាយោធាជប៉ុន Izumo ជាផ្លូវការណ៍គឺជានាវាផ្ទុកឧទ្ធម្ភាគចក្រនិងមានបេសកកម្មដើម្បី អមការពារនាវាផ្គត់ផ្គង់ភស្តុភាអាមេរិក។ ក៏ប៉ុន្តែ ប្រទេសចិនវិញ បានអះអាងថា នាវា Izumo របស់ជប៉ុននេះ ពុំគ្រាន់តែជានាវាផ្ទុកឧត្ថម្ភភាគចក្រតែមួយមុខនោះទេ តែវាក៏ជាទីព្រលានមួយសំរាប់អោយយន្តហោះនានា អាចហោះចុះចតបានដែរ។
គួរបញ្ជាក់ថា អន្តរាគមន៍របស់នាវាជប៉ុន Izumo នៅអមក្បែរនឹងនាវាមហាសាល Carl Vinsonរបស់យោធាអាមេរិកនៅសមុទ្រកូរ៉េខាងជើង ក៏ជាសកម្មភាពលើកតំបូងបង្អស់ដែររបស់នាវា Izumo នៅក្នុងតំបន់អាស៊ីប៉ាស៊ីហ្វីក។
ប្រតិបត្តិការដ៏សំខាន់បំផុតរបស់ជប៉ុននេះ នៅក្នុងប្រព័ន្ធកិច្ចការពារជាតិរួមគ្នាជាមួយនឹងកងនាវាអាមេរិកនេះ ត្រូវបានប្រព្រឹត្តទៅនៅក្នុងបរិបថនៃវិបត្តិដ៏តានតឹងមួយរវាងសហរដ្ឋអាមេរិកនិងកូរ៉េខាងជើង ក៏ព្រមទាំងការកើនឡើងនៃឥទ្ធិពលរបស់ចិននៅក្នុងតំបន់ដែរ។
លើសពីនេះ នាវាពិឃាតរបស់ជប៉ុនចំនួន ២ គ្រឿង ក៏បានចូលធ្វើសមយុទ្ធរួចទៅហើយជាមួយក្រុមនាវាផ្ទុកយន្តហោះ Carl Vinsonរបស់អាមេរិកនិងជាមួយអង្គភាពនៃកងទ័ពជើងទឹករបស់កូរ៉េខាងត្បូងដែរ។
សូមបញ្ជាក់ថា នាវាផ្ទុកឧទ្ធម្ភាគចក្ររបស់ជប៉ុន Izumo នឹងត្រូវអមដំណើរតាមការពារកងនាវាផ្គត់ផ្គង់ភស្តុភារបស់អាមេរិកនៅចន្លោះរវាងឧបទ្វីបកូរ៉េនិងកោះ Okinawa របស់ជប៉ុនដែលជាទីមូលដ្ឋានទ័ពអាមេរិកដ៏សំខាន់បំផុតនៅក្នុងប្រទេសជប៉ុន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ