ហេតុការណ៍បាក់ដីនៅចិន ស្លាប់យ៉ាងហោច៦នាក់ បាត់ខ្លួនជាង១០០នាក់
ហេតុការណ័៍បាក់ដីនៅចិន ដែលកើតឡើងនៅព្រឹកថ្ងៃ២៤មិថុនានេះ ធ្វើអោយមានមនុស្សបាត់ខ្លួនជាង១០០នាក់ ក្នុងភូមិមួយ នៅខែត្រSichuan ភាគនិរតី។ ក្រុមសង្គ្រោះបានរកឃើញសាកសពមនុស្ស៦នាក់។ ប្រធានាធិបតីស៊ី ជីនពីង បានអំពាវនាវអោយនាំគ្នាប្រឹងប្រែងរកជនរងគ្រោះ ដើម្បីចៀសវាងមានមនុស្សស្លាប់ច្រើន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១៥
ប៉ូលិស ទាហាន ក្រុមឡានទឹក និងគ្រូពេទ្យចិន គ្នារាប់រយនាក់ មានទាំងឆ្កែច្រើនក្បាលផងដែរ នាំគ្នាដុតដៃដុតជើង ក្នុងប្រតិបត្តិការសង្គ្រោះជនរងគ្រោះ នៃហេតុការន៍បាក់ដី ក្នុងភូមិមួយ នៅខែត្រស៊ីឈ័ន ភាគនិរតីប្រទេសចិន។ ម៉ោង៦ព្រឹកថ្ងៃសៅរ៍នេះ ថ្មភ្នំមួយផ្ទាំងបានបាក់ធ្លាក់ ធ្វើអោយផ្ទះរាប់សិបខ្នង ក្នុងភូមិស៊ីនម៉ូ Xin Mo ស្រុតកប់ទៅក្នុងដី។ កំទេចថ្មបានធ្លាក់ធ្វើអោយរាំងស្ទះផ្លូវថ្នល់ដល់ទៅជិត២គីឡូម៉ែត្រ។
ការស្វែងរកជនរងគ្រោះ មានការលំបាក ដោយសារភ្លៀងអាចនៅតែបន្តធ្លាក់ ហើយជនរងគ្រោះប្រហែលជាអាចកប់ក្រោមគំនរថ្មរាប់តោន។ នេះបើយោងតាមប៉ូលិស នៅតំបន់រងគ្រោះ។ ប៉ូលិសម្នាក់ប្រាប់ថា ការបាក់ដីនេះអាចបណ្តាលមកពីភ្លៀងធ្លាក់ច្រើន ប៉ុន្មានថ្ងៃចុងក្រោយនេះ។ នេះជាការបាក់ដីដ៏ធ្ងន់ធ្ងរក្នុងតំបន់ គិតតាំងពីមានការរញ្ជួយដី នៅភូមិវេនឈ័ន ៩ឆ្នាំមុននេះ។ ភូមិវេនឈ័ន នៅមិនឆ្ងាយពីភូមិស៊ីនម៉ូ ដែលរងហេតុការណ៍នេះទេ។
ខែត្រស៊ីឈ័ន ភាគនិរតី ដែលជាទីតាំងរបស់ភូមិស៊ីនម៉ូ ស្ថិតនៅតាមគែមតំបន់ខ្ពង់រាបទីបេ។ ខែត្រនេះមានប្រជាជន៨០លាននាក់។ ខែត្រស៊ីឈ័នធ្លាប់រងគ្រោះរួចហើយ ដោយគ្រោះរញ្ជួយដី ឆ្នាំ២០០៨។ កាលនោះ មានមនុស្ស៨ម៉ឺន៧ពាន់នាក់ បានស្លាប់ក្នុងភូមិវេនឈ័ន ដែលស្ថិតក្បែរភូមិរងគ្រោះបាក់ដី ស៊ីនម៉ូ ថ្ងៃសៅរ៍នេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ