មន្ត្រីជាន់ខ្ពស់គណបក្សកុម្មុយនិស្តចិនមួយរូបស្ថិតក្រោមការស៊ើបអង្កេតផ្លូវច្បាប់
Sun Zhengcai ស៊ុន ចឹងឆាយ មន្ត្រីជាន់ខ្ពស់បក្សកុម្មុយនិស្តចិននៅក្រុងឆុងឈីង Chongqing ភាគនិរតី កំពុងស្ថិតក្រោមការស៊ើបអង្កេតរបស់តុលាការ។ លោកស៊ុន ជាប់សង្ស័យថា បានបំពានធ្ងន់ធ្ងរលើវិន័យបក្សកុម្មុយនិស្ត។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:០៩
លោកSun Zhengcai ស៊ុន ចឹងឆាយ ជាអ្នកដឺកនាំបក្សកុម្មុយនិស្តនៅទីក្រុងចុងឈីង ភាគនិរតី។ គេស្គាល់ថា លោកជាមន្ត្រីជាន់ខ្ពស់មួយរូប ដែលអាចទទួលបានតំណែងខ្ពស់ៗ ក្នុងប្រទេស។ តែកាលពីថ្ងៃសៅរ៍ ចិនចេញព័ត៌មានថា លោក Chen Miner ឆិន មីងអឺ ដែលជាមន្ត្រីសំខាន់មួយរូបក្នុងបក្សកុម្មុយនិស្ត និងជាអ្នកជំនិតនឹងប្រធានាធិបតី ឡើងមកកាន់តំណែងជំនួសលោកស៊ុនវិញ។
លោកស៊ុន ជាប់សង្ស័យពីបទបំពានវិន័យបក្សកុម្មុយនិស្ត ជាទូទៅ អាចមានន័យថា លោកអាចបានប្រព្រឹត្តអំពើពុករលួយ រឺក៏ថា លោកបានដើរផ្ទុយខ្សែបន្ទាត់បក្ស។ យោងតាមប្រភពព័ត៌មានទទួលបានពីReuters មន្ត្រីជាន់ខ្ពស់បក្សកុម្មុយនិស្តចិនជាច្រើននាក់ បានប្រាប់ថា លោក ស៊ុន ចឹងឆាយ បានបង្កកំហុសនយោបាយ។ ទោះយ៉ាងនេះក្តី លោកស៊ុន នៅតែមានឈ្មោះជាសមាជិកការិយាល័យនយោបាយបក្សកុម្មុយនិស្តដដែល។ ជាទូទៅ មន្ត្រីដឺកនាំជាន់ខ្ពស់ក្នុងបក្ស ត្រូវដកហូតពីតំណែង លុះត្រាមាននិតិវិធីផ្លូវការប្រឆាំងពួកគេ។
បក្សកុម្មុយនិស្តចិនមានវិន័យតឹងតែង ប្រធានាធិបតីស៊ី ជីនពីង ប្រកាន់ខ្ជាប់អាទិភាពនយោបាយប្រយុទ្ធប្រឆាំងអំពើពុករលួយ។ នៅអំឡុងចុងឆ្នាំនេះ បក្សកុម្មុយនិស្តចិននឹងរៀបចំសមាជ។ គេមើលឃើញថា សមាជនេះអាចជួយលោកស៊ី ជីនពីង អោយពង្រឹងអំណាចលោកថែមទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ