អង្គការសិទ្ធិមនុស្សចោទយោធាហ្វីលីពីនរំលោភសិទ្ធមនុស្សយ៉ាងធ្ងន់ធ្ងរនៅពេលរំដោះក្រុង Marawi
អង្គការការពារសិទ្ធមនុស្ស Amnesty International នៅថ្ងៃសុក្រនេះ បានចោទថាកងទ័ពហ្វីលីពីន បានធ្វើការរំលោភសិទ្ធិមនុស្សយ៉ាងធ្ងន់ធ្ងរ ដូចជាការចាប់ខ្លួននិងធ្វើទារុណកម្មលើប្រជាជនស៊ីវីល នៅខណៈពេលបើកយុទ្ធនាការវាយរំដោះទីក្រុងម៉ារ៉ាវី ពីពួកអ៊ីស្លាមជ្រុលនិយមដែលស្មោះស្ម័គ្រជាមួយអង្គការរដ្ឋអ៊ីស្លាម។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៨
នៅក្នុងរបាយការណ៍មួយដែលចេញផ្សាយកាលពីមួយខែបន្ទាប់ពីលោកប្រធានាធិបតីហ្វីលីពីនRodrigo Duterté ប្រកាសពីការរំដោះទីក្រុង Marawi អង្គការការពារសិទ្ធិមនុស្ស Amnesty International បានសុំឲ្យទីក្រុងម៉ានីល បើកការអង្កេតមួយស្តីពីការរំលោភច្បាប់មនុស្សធម៌អន្តរជាតិដ៏ធ្ងន់ធ្ងរនិងការរំលោភបំពានសិទ្ធិមនុស្សមនុស្សផ្សេងៗទៀត។
Amnesty International បានបញ្ជាក់បន្ថែមទៀតថា “កងកម្លាំងរដ្ឋាភិបាលហ្វីលីពីន បានរំលោភលើបំរាមដែលហាមមិនអោយធ្វើទារុណកម្មនិងធ្វើបាបទៅលើពួកអ្នកទោស ក៏ព្រមទាំងការលួចប្លន់យកទ្រពសម្បតិរបស់ប្រជាជនស៊ីវីលផងដែរ។
អង្គការការពារសិទ្ធិមនុស្សដដែល បានពន្យល់ប្រាប់ទៀតថា”នៅក្នុងចំណោមជនចំនួន៨នាក់ ៧នាក់ដែលជាកម្មករសំណង់អគារកាន់សាសនាគ្រឹស្តដែលខ្លនបានជួបសម្ភាសន៍ បាននិយាយរៀបរាប់ប្រាប់ថា “ពួកគេ ត្រូវបានកងទ័ពជើងទឹកហ្វីលីពីន វាយដំធ្វើទារុណកម្មយ៉ាងយូរថ្ងៃក៏ព្រមទាំងការគំរាមសម្លាប់ពួកគេទៀតផង។
យោងតាម Amnesty International “ប្រជាជនជាច្រើនផ្សេងៗទៀត បានចោទប្រកាន់ថាកងទ័ពហ្វីលីពីនបានប្លន់យកទ្រពសម្បត្តិប្រជាជនស៊ីវីល ដូចជាទូរទស្សន៍ វត្ថុបុរាណនិងកុំព្យុទ័រ តែពួកជីហាតអង្គការរដ្ឋអ៊ីស្លាមវិញ ប្លន់យកតែអាវុធ គ្រឿង អលង្កការនិងលុយ”។
របាយការណ៍របស់ Amnesty International “ដដែលបានលើកឡើងដែរថា “កងទ័ពហ្វីលីពីន បានអនុវត្តការវាយប្រហារតាមជើងអាកាសនិងជើងគោកដោយគ្មានសមាមាត្រគ្នាឡើយ។ចំណែកឯតួលេខនៃចំនួនប្រជាជនស៊ីវីលស្លាប់ដោយសារការវាយប្រហារតាមជើងអាកាសនិងនៅក្នុងដៃរបស់ពួកអ៊ីស្លាមជីហាត ទំនងជាមានចំនួនច្រើនជាងតួលេខផ្លូវការហ្វីលីពីន។ ទាក់ទងនឹងបញ្ហានេះ ទីភ្នាក់ងារព័ត៌មានបារាំង AFP បានសុំឲ្យយោធាហ្វីលីពីន ធ្វើអត្ថាធិប្បាយពីបញ្ហានេះ តែយោធាហ្វីលីពីន នៅមិនទាន់ឆ្លើយតបអ្វីឡើយនាពេលភ្លាមៗនោះ។
គួររំលឹកថា នៅក្នុងការវាយប្រយុទ្ធដើម្បីដណ្តើមយកទីក្រុង Marawi ទីក្រុងដ៏ធំនោះ មនុស្សជាង១.១០០នាក់ត្រូវស្លាប់ក្នុងចំណោមនោះ ៩០០នាក់ជាពួកជីហាតអង្គការរដ្ឋអ៊ីស្លាម។ ការវាយប្រយុទ្ធគ្នារវាងកងទ័ពហ្វីលីពីន និងពួកអ៊ីស្លាមជ្រុលនិយម បានជុំរុញអោយមានអ្នកភៀសខ្លួនជាង៤ម៉ឺននាក់ហើយសង្កាត់នានានៅក្នុងក្រុងត្រូវបំផ្លាញខ្ទេចខ្ទីអស់គ្មានសល់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ