ជនចំនួន ៣នាក់ ត្រូវបានស្លាប់ដោយការផ្ទុះគ្រាប់បែកមួយនៅខេត្ត Yala ភាគខាងត្បូងប្រទេសថៃ
នៅប្រទេសថៃ ជនចំនួន ៣នាក់ ត្រូវបានស្លាប់នៅព្រឹកថ្ងៃចន្ទ នេះ នៅក្នុងការផ្ទុះគ្រាប់បែកនៅលើទីផ្សារមួយ ក្នុងខេត្ត Yala ភាគខាងត្បូងប្រទេស។ គឺជាតំបន់មួយដែលរងគ្រោះខ្លាំងនៅក្នុងអំពើហិង្សា ដោយសារ ការបះបោរទាមទារឯករាជ្យនិយមរបស់ពួកអ្នកកាន់សាសនាអ៊ីស្លាមនៅក្នុងតំបន់-នេះបើយោងតាមការជូនដំណឹងរបស់អាជ្ញាធរថៃ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១០
យោងតាមអាជ្ញាធរថៃ “គ្រាប់បែកដែលផ្ទុះនោះ ត្រូវបានគេលាក់នៅក្នុងម៉ូតូមួយគ្រឿងដែលចតនៅលើផ្សារ Pimonchai ក្នុងខេត្តយ៉ាឡា និងបានបណ្តាលឲ្យមនុស្សស្លាប់ចំនួន ៣នាក់-នេះបើយោងតាមអ្នកនាំពាក្យរបស់កម្លាំងសន្តិសុខនៅក្នុងតំបន់។
នៅក្នុងការផ្ទុះគ្រាប់បែកនេះ សាក្សីជាច្រើនរូប បានពន្យល់ប្រាប់ថា ជនសង្ស័យ បានចតម៉ូតូនៅចំពីមុខស្តង់លក់សាច់ជ្រូកមួយកន្លែង គឺរយៈពេលតែ ១០ នាទី ប៉ុណ្ណោះ នៅមុនពេលផ្ទុះគ្រាប់បែក។
ការបញ្ជាក់លំអិតរបស់សាក្សីនេះ សរបញ្ជាក់ដែរថា គឺពិតជាការវាយប្រហាររបស់ក្រុមអ្នកបះបោរកាន់សាសនាអ៊ីស្លាម ពីព្រោះអ្នកកាន់ព្រះពុទ្ធសាសនាដែលមានភាគតិចនៅក្នុងតំបន់ គឺជាអ្នកទទួលទានសាច់ជ្រូកដែលផ្ទុយពីអ្នកជិតខាងរបស់ខ្លួនដែលជាអ្នកកាន់សាសនាអ៊ីស្លាម។ ម្យ៉ាងទៀត ការផ្ទុះគ្រាប់បែកនាព្រឹកមិញនេះ ក៏បានបណ្តាលឲ្យមានអ្នករងរបួសចំនួន ២៤នាក់ផ្សេងទៀតដែរ ដែលសុទ្ធស៊ឹងជាអ្នកកាន់ព្រះពុទ្ធសាសនា។ ចំណែកអ្នកស្លាប់ទាំង៣នាក់នោះវិញ ក៏មានម្នាក់ដែរជាអ្នកកាន់សាសនាអ៊ីស្លាម។
យោងតាមនគរបាលថៃ “ការវាយប្រហារនាព្រឹកមិញនេះ គឺជាការវាយប្រហារដ៏ធំលើកទីមួយនៅក្នុងខេត្តយ៉ាឡា ចាប់តាំងពី ២ឆ្នាំកន្លងមកហើយ ដោយហេតុថាការវាយប្រហារជាច្រើននៅក្នុងភាគខាងត្បូងប្រទេសថៃ ជាញឹកញាប់ ជាការវាយប្រហារដោយ ការពួនលបស្ទាក់បាញ់សំដៅទៅលើក្បួនរថយន្តយោធាឬក៏អំពើឃាតកម្ម ដែល សំដៅទៅលើបុគ្គលណាមួយ ដូចជា អ្នកតំណាងរដ្ឋបាលក្នុងតំបន់ឬក៏គ្រូបង្រៀនជាដើម ដែលជាអ្នកគោរពនិងដើមតាមគោលមាគ៌ានយោបាយរបស់រដ្ឋអំណាចកណ្តាលនៃប្រទេសថៃ។
គួររំលឹកថា ជម្លោះផ្តាច់ទឹកដីនិយមនៅចុងភាគខាងត្បូងនៃប្រទេសថៃ បានសម្លាប់ជីវិតមនុស្សចំនួន ២៣៥នាក់នៅក្នុងឆ្នាំ ២០១៧ ជាតួលេខមួយដែលបានថយចុះ បើប្រៀបធៀបទៅនឹងការចាប់ផ្តើមផ្ទុះជម្លោះនេះនៅ ឆ្នាំ២០០៤ ។ ហើយតាំងពីឆ្នាំ ២០០៤នោះមក អំពើហិង្សាបះបោរ ទាមទារឯករាជ្យនិយមរបស់ពួកអ្នកកាន់សាសនាអ៊ីស្លាមនៅក្នុងតំបន់ភាគខាងត្បូងប្រទេសថៃនេះ បានសម្លាប់ជីវិតមនុស្សជិត៧០០០នាក់ដែលភាគច្រើនគឺសុទ្ធស៊ឹងជាប្រជាជនស៊ីវីល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ