អ្នកប្រឆាំងវៀតណាម៣នាក់ថ្មីទៀត ទើបត្រូវបានតុលាការផ្តន្ទាទោសដាក់ក្នុងពន្ធនាគារពីបទឃោសនាប្រឆាំងនឹងរដ្ឋអំណាច
នៅវៀតណាម អ្នកប្រឆាំងចំនួន ៣នាក់ថ្មីទៀត កាលពីថ្ងៃពុធម្សិលមិញ ត្រូវបានអាជ្ញាធរ ផ្តន្ទាទោស ដាក់ពន្ធនាគារ ពី ៦ ទៅ ៨ ឆ្នំាំ ពីបទធ្វើការឃោសនាប្រឆាំងនឹងរដ្ឋអំណាចវៀតណាម។ ការផ្តន្ទាទោសនេះ ត្រូវបានធ្វើឡើង បន្ទាប់ពីពួកគេ បានផ្សព្វផ្សាយវីឌីអូមួយចំនួននៅលើគេហទំព័រអ៊ីនធ័រណែត រិះគន់របបកុម្មុយនិស្តនៅក្នុងការបន្តដាក់សម្ពាធទៅលើក្រុមអ្នកប្រឆាំងនៅក្នុងប្រទេស។
ចុះផ្សាយនៅថ្ងៃ៖ កែប្រែថ្ងៃទី៖
លោក Vu Quang Thuan និងលោក Nguyen Van Dien ដែលជាប់ឃុំឃាំងតាំងពីខែមីនា ២០១៧នោះ ត្រូវបានតុលាការវៀតណាម ផ្តន្ទាទោសដាក់គុកម្នាក់ ចំនួន ៨ ឆ្នាំ និង ម្នាក់ ទៀត ៦ ឆ្នាំកន្លះ ពីបទបានផ្សព្វផ្សាយ វីឌីអូចំនួន ១៧ វីឌីអូ ដែល ទិតៀន រិះគន់ លើរដ្ឋាភិបាលវៀតណាម នេះបើយោងតាមលោក Le Luan មេធាវីរបស់កូនក្តី។
គួរលឹកថាលោក Thuan ដែលមានអាយុ ៥១ឆ្នាំនិងលោក Dien អាយុ៣៤ឆ្នាំ ជាអ្នកប្រឆាំងជើងចាស់យូរឆ្នាំមកហើយ ដែលធ្លាប់បាននិរទេសខ្លួនរស់នៅប្រទេសម៉ាឡេស៊ីនារយៈពេលប៉ុន្មានឆ្នាំចុងក្រោយនេះ។
ហើយយោងតាមអង្គការការពារសិទ្ធិមនុស្ស Human Right Watch លោក Thuan ធ្លាប់បានប៉ុនប៉ងសម្លាប់ដោយដុតខ្លួនឯងនៅក្នុងទីក្រុង Kuala Lumpur ក្នុងប្រទេសម៉ាឡេស៊ី នៅឆ្នាំ២០១០ នៅខណៈពេលដែលគាត់បានប្រឆាំង តវ៉ាចំពោះការបណ្តេញអ្នកប្រឆាំងនឹងរដ្ឋអំណាចវៀតណាមពីរនាក់ចេញពីប្រទេសឆ្ពោះទៅកាន់ប្រទេសម៉ាឡេស៊ី។
ក្រៅពីអ្នកប្រឆាំងទាំងពីររូបខាងលើនេះ តុលាការវៀតណាម ក៏បានផ្តន្ទាទោសផងដែរ យុវជន Tran Hoang Phuc អាយុ២៣ ឆ្នាំ ឲ្យជាប់ក្នុងពន្ធនាគារចំនួន៦ឆ្នាំ ពីបទ បានជួយ អ្នកប្រឆាំងទាំងពីររួបនោះ នៅក្នុងការរៀបចំដាក់ផ្សព្វផ្សាយ វីឌីអូ នៅលើគេហទំព័រអ៊ីនធ័រណែត។ ចំពោះមេធាវីរបស់យុវជន Phuc ការចោទប្រកាន់របស់តុលាការលើកូនក្តីគាត់ ថាធ្វើការឃោសនាប្រឆាំងនឹងរដ្ឋវៀតណាមនោះ គឺជារឿងដ៏អយុតិធម៌ ពីព្រោះ កូនក្តី របស់គាត់ គ្រាន់តែជួយនៅលើផ្នែកបច្ចេកទេសតែប៉ុណ្ណោះ។
គួររំលឹកថា យុវជន Phuc គឺជាយុវជនម្នាក់ក្នុងចំណោមបណ្តាយុវជនវៀតណាមដែលត្រូវបានគេអញ្ជើញឲ្យចូលរួមក្នុងការជួបប្រាស្រ័យជាមួយលោកប្រធានាធិបតីបារ៉ាកអូបាម៉ា នាឱកាសដំណើរទស្សនកិច្ចរបស់លោកនៅវៀតណាមក្នុងឆ្នាំ ២០១៦ ក៏ប៉ុន្តែយុវជនរូបនេះ ត្រូវបានគេចាប់ខ្លួននៅមុនពេលដែលលោកអូបាម៉ាបានអញ្ជើញមកដល់វៀតណាម នេះបើយោងតាមអង្គការការពារសិទ្ធិមនុស្ស Human Right Watch។
យោងតាម Human Right Watch ដដែល នៅវៀតណាម សកម្មជនសិទ្ធិមនុស្ស យ៉ាងតិច ចំនួន ២៤ នាក់ ហើយ ត្រូវបានគេ ផ្តន្ទាទោសកាលពីឆ្នាំមុន ហើយ ២៨នាក់ផ្សេងទៀត ត្រូវបានចាប់ខ្លួន។ សរុប បួករួមជាមួយនឹងក្រុមអ្នកប្រឆាំងនឹងរដ្ឋវៀតណាមផង ពួកគេទំាងអស់ មានគ្នា ចំនួន រាប់សិបនាក់ ដែលកំពុងតែជាប់ឃុំឃាំងនៅក្នុងពន្ធាគារនៅក្នុងប្រទេស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ