ប៉ូលីសម៉ាឡេស៊ី រិបអូសលុយជិត៣០លានដុល្លារនៅគេហដ្ឋានរបស់អតីតនាករដ្ឋមន្ត្រីម៉ាឡេស៊ី
នៅម៉ាឡេស៊ី ប៉ូលីសបានជូនដំណឹងនៅថ្ងៃសុក្រម្សិលមិញនថាខ្លួនរិបអូសបានលុយចំនួនជិត ៣០លានដុល្លារនិងកាបូបយួរដៃចំនួនជាង ៤០០នៅអំឡុងបើកប្រតិបត្តិការឆែកឆរនៅលំនៅដ្ឋានរបស់អតីតនាយករដ្ឋមន្ត្រីម៉ាឡេស៊ី លោក Najib Razacដែលជាប់សង្ស័យនៅក្នុងសំណុំរឿងអាស្រូវដ៏ធំសម្បើមមួយពាក់ព័ន្ធនឹងការកេងបន្លំលុយរដ្ឋ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៤
លុយ កាបូបយួរដៃម៉ាកធំៗក៏ព្រមទាំងនាឡិកាដៃនិងគ្រឿងអលង្ការទាំងអស់នេះហើយដែលប៉ូលីសម៉ាឡេស៊ី បានឆែកឆេរនិងរកឃើញនៅក្នុងផ្ទះលែ្វងដ៏ឆើតឆាយ២កន្លែងនៅក្នុងទីក្រុង Kuala Lumpur។
គួរបញ្ជាក់ថា ចាប់តាំងពីថ្ងៃទី១៨ឧសភាមក ប៉ូលីសម៉ាឡេស៊ី បានបើកប្រតិបត្តិការឆែកឆេរនៅក្នុងផ្ទះល្វែងជាច្រើនកន្លែងដែលក្នុងនោះក៏មានទាំងនិវេសន៍ដ្ឋានរបស់លោក Najib Razak អតីតនាយរដ្ឋមន្ត្រីម៉ាឡេស៊ីក៏ព្រមទាំងលំនៅឋានរបស់កូនគាត់ចំនួនពីរនាក់ផង។ ប្រតិបត្តិការឆែកឆេរនេះ ត្រូវបានប្រព្រឹត្តទៅមិនយូរប៉ុន្មានឡើយបន្ទាប់ពីបក្សសម្ព័ន្ធរបស់លោកត្រូវបានទទួលបរាជ័យនៅក្នុងការបោះឆ្នោតសភាម៉ាឡេស៊ីនៅថ្ងៃទី៩ឧសភាកន្លងទៅនេះ។
មួយវិញទៀត នៅក្នុងផ្ទះល្វែងមួយខ្នងដែលពុំមែនជាកម្មសិទ្ធិរបស់គ្រួសារលោក Najib Razak ប៉ូលីសម៉ាឡេស៊ី ក៏បានរកឃើញដែរនូវស្បោងដែលមានសុទ្ធតែលុយយ៉ាងពេញណែនចំនួន៣៥ស្បោងក្នុងនោះ ស្បោងចំនួន ២៦ មានសុទ្ធតែរូបិយប័ណ្ឌផ្សេងៗគ្នា ដែលគិតជាទឹកប្រាក់សរុប មានចំនួនប្រមាណជា ១១៤លាន Ringgits លុយម៉ាឡេស៊ី។
លើសពីនេះ ប៉ូលីសម៉ាឡេស៊ី បានរិបអូសប្រអប់ចំនួន ២៨៤ ដែលគេទុកសម្រាប់ដាក់ការបូបយួរដៃនិងកាបូបយួរដៃចំនួន១៥០ផ្សេងទៀតនៅក្នុងនិវេសន៍ដ្ឋានកូនស្រី របស់លោក Najib Razak ឈ្មោះលោកស្រី Nooryana Najwa ។ នៅក្នុងចំណោមកាបូបយួរដៃទាំងនោះ មួយចំនួនធំទំនងជាផលិតដោយហាងម៉ាកបារាំងដ៏ល្បីឈ្មោះ Hermès។
ទន្ទាមនេះ ប៉ូលីស បានអះអាងដែរថា ខ្លួនបានធ្វើការពិភាក្សារួចហើយជាមួយក្រុមហ៊ុន Hermès បារាំងដើម្បីបញ្ជូនរូបថតនានាទៅកាន់ប៉ារីស ក្នុងគោលដៅអោយក្រុមហ៊ុន Hermès ពិនិត្យពិច្ច័យមើលឲ្យបានត្រឹមត្រូវ ដើម្បីចង់ដឹងថាតើកាបូបរីបអូសបាននោះ ពិតជាកាបូបសុទ្ធឬក៏ក្លែងក្លាយ រួមទាំងការពិនិត្យលើតម្លៃកាបូបនោះទៀតផង។
គូររំលឹកថា បន្ទាប់ពីលោក Najib Razak បានបាត់បង់អំណាចមក នាយករដ្ឋមន្ត្រីថ្មីម៉ាឡេស៊ី លោក ម៉ាហាធា ម៉ូហាម៉េដ បានស្នើឲ្យប៉ូលីសបើកការស៊ើបអង្កេតនៅលើសំណុំរឿងពុករលួយដែលប្រព្រឹត្តដោយលោក ណាជីបនិងបក្សពួករបស់លោក ក្នុងគោលដៅដើម្បីរឹបអូសយកលុយពុករលួយត្រឡប់មកវិញ។
អតីតនាយករដ្ឋមន្ត្រីម៉ាឡេស៊ីរូបនេះ ត្រូវជាប់សង្ស័យពីបទបានកេងបន្លំលុយរដ្ឋប្រមាណជា៦៤០លានអ៊ីរ៉ូ ពីមូលនិធីមួយ1 Malasia Development Berhad (MBD) ដែលលោកបានបង្កើតឡើងបន្ទាប់ពីលោកបានឡើងដឹកនាំប្រទេសនៅឆ្នាំ២០០៩៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ