ប្រតិបត្តិការសង្គ្រោះក្មេងៗថៃ១២នាក់ដែលបាត់ខ្លួនក្នុងរូងភ្នំ បានវិវឌ្ឍន៍យ៉ាងយឺតៗ
នៅប្រទេសថៃ ប្រតិបត្តិការជួយសង្គ្រោះអាយុជីវិតក្មេងទាំង ១២នាក់និងគ្រូបង្វឹកកីឡារបស់ពួកគេដែលកំពុងជាប់កុននៅក្នុងរូងភ្នំតាំងពី ១០ថ្ងៃមកហើយមកទល់ថ្ងៃនេះ បានប្រព្រឹត្តទៅយ៉ាងសកម្ម។ ឥឡូវនេះ ប្រតិបត្តិការនេះ បានវិវឌ្ឍន៍ទៅមុខជាលំដាប់ក្នុងអំឡុងប៉ុន្មានម៉ោងចុងក្រោយនេះ ប៉ុន្តែទឹកភ្លៀង អាចនឹងចាប់ផ្តើមធ្លាក់ជាថ្មីឡើងវិញនៅថ្ងៃពុធខានស្អែក។ កតានេះ អាចនឹងបង្អាក់ដល់ដំណើរការណ៍ស្វែងរុករកក្មេងៗដែលបាត់ខ្លួននោះដែរ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៥
ក្រុមអ្នកជួយសង្គ្រោះ បាននាំគ្នាដេកនៅក្នុងរូងភ្នំនាពេលយប់។ក្រុមប្រិបត្តិការ បានវិវឌ្ឈន៍ទៅមុខជាលំដាប់និងទៅដល់ទីកន្លែងមួយ ដែលគេសង្ស័យថា ពួកក្មេងៗទាំង ១២នាក់និងគ្រូបង្វឹករបស់ខ្លួន កំពុងជ្រកកោន។ ពួកក្មេងៗ ដែលមានអាយុ រវាងពី ១១និង១៦ឆ្នាំ។
ក្រុមអ្នកសង្គ្រោះ បានបំបែកគ្នា ដោយសារតែច្រកផ្លូវក្នុងរូងភ្នំតូចចង្អៀត ក៏ព្រមទាំង ជន់លិចទៅដោយទឹកភក់។ ប្រតិបត្តិការណ៍នេះ បានវិវឌ្ឍន៍ទៅមុខយ៉ាងយឺតៗ ក្នុងចម្ងាយមួយម៉ែត្រម្តងៗ ។ ចំណែកអ្នករុករកផ្សេងៗទៀត ដោយមានជំនួយពីឧបករណ៍ដ្រូន បានរកឃើញអណ្តូងទឹកក្នុងភ្នំ ដែលគ្របដណ្តប់ រូងភ្នំ។ ក្រុមអ្នកសង្គ្រោះ ផ្សេងៗ ទៀត ក៏បានប៉ុនប៉ង ចង់ដឹងមើលថាតើនៅទីនេះ ពួកគេអាចនឹងឈានចូលទៅដល់ទីកន្លែង ដែល គេសង្ស័យថា ជាទីជម្រក របស់ពួកក្មេងៗទាំង១២នាក់ដែលបាត់ខ្លួនដែរឬទេ ?។
ទន្ទឹមនេះ ក្រុមអ្នកសង្គ្រោះ រៀបចំដាក់ ធុងអ៊ុកស៊ីហ្សែន មួយ ក្នុងចម្ងាយ ២៥ ម៉ែត្រពីគ្នាជាបន្តបន្ទាប់ គ្នារហូត។ មិនតែប៉ុណ្ណោះ ទីតាំងក្រោមដីមួយ ត្រូវបានគេរៀបចំធ្វើ ជាទីកន្លែង សំរាប់ ប្រតិបត្តិការចាត់ចែងមួយដែរ។
ទោះបីជាពេលវេលា មានលក្ខណៈជាបន្ទាន់យ៉ាងណាក្តី ដោយហេតុថា ពួកក្មេងៗនិងគ្រូបង្វឹករបស់ពួកគេ កំពុងជាប់កុនក្នុងរូងភ្នំ ១០ថ្ងៃមកហើយមកទល់ថ្ងៃនេះ ក៏ប៉ុន្តែអ្វីដែលគេព្រួយបារម្ភខ្លាំងជាងគេនោះ គឺ ទឹកភ្លៀង អាចនឹងចាប់ផ្តើមធ្លាក់សារជាថ្មីឡើងវិញនៅថ្ងៃពុធខាងមុខ។
ម្យ៉ាងទៀត បើសិនជា កម្រឹតទឹក បានឡើងជាថ្មីទៀត ប្រតិបត្តិការរុករក អាចនឹងត្រូវលើកផ្អាកដូចកាលពីសប្តាហ៍មុនដែរ។ ប្រជាជនថៃ ទូទាំងប្រទេស មានការព្រួយបារម្ភខ្លាំងជាពន់ពេក ចំពោះជោគវាសនារបស់ពួកក្មេងៗថៃ ដោយបានតាមដានជាប់ជានិច្ច ការវិវឌ្ឈន៍នៃប្រតិបត្តិការជួយសង្គ្រោះនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ