ចិន ចាប់ខ្លួនសកម្មជនប្រឆាំងនឹងអំពើពុករលួយ ក្រោមបទឃោសនាភេរវនិយម
សកម្មជនការពារសិទ្ធិមនុស្ស និងប្រឆាំងនឹងអំពើពុករលួយ ម្នាក់ ដែលល្បីខាងទាមទារឱ្យមេដឹកនាំកុម្មុយនិស្តចិន លាតត្រដាងពីទ្រព្យសម្បត្តិ ដើម្បីតម្លាភាពនោះ ត្រូវបានចាប់ខ្លួន ពីបទឃោសនាអំពើភេរវនិយម។ នេះបើតាមការជូនដំណឹងរបស់ស្ត្រីជាភរិយាមកភ្នាក់ងារសារព័ត៌មានបារាំង។
ចុះផ្សាយនៅថ្ងៃ៖
ការចោទប្រកាន់សកម្មជនរបស់សង្គមស៊ីវិល និងដែលរិះគន់របបកាន់អំណាច ក្រោមបទភេវរកម្ម ជាប្រការដែលពុំធ្លាប់កើតមានទេនៅក្នុងប្រទេសចិន ពីមុនមក។
មានអាយុ៦០ឆ្នាំ ជាសកម្មជនរបស់ “ចលនាពលរដ្ឋថ្មី” ចលនាក្រៅផ្លូវការដែលធ្លាប់ទាមទារឱ្យមន្ត្រីរដ្ឋាភិបាលចិន បង្ហាញជាសាធារណៈនូវទ្រព្យសម្បត្តិរបស់ខ្លួន ដើម្បីតម្លាភាព។ សកម្មជនរូបនេះធ្លាប់ត្រូវបានតុលាការចិនកាត់ទោសកាលពីឆ្នាំ២០១៤ ឱ្យជាប់ពន្ធនាគារពីរឆ្នាំ ពីបទធ្វើសកម្មភាពជាមួយចលនាខាងលើ។
មុននឹងឈានដល់ការចាប់ខ្លួនជាថ្មីនេះ ប៉ូលិសចិនបានមកសួរដេញដោល និងឆែកឆេរគេហដ្ឋានសកម្មជន Zhang BaoCheng ក្រោមមូលហេតុសង្ស័យមានពាក់ព័ន្ធនឹងអាវុធ។ នេះបើតាមការបញ្ជាក់របស់អ្នកស្រី Liu Juefan ជាភរិយា។ តែបើតាមដីកាចាប់ខ្លួនរបស់ប៉ូលិស ចុះថ្ងៃទី ៤កក្កដា លោក ស្ហង់ មានជាប់សង្ស័យពីបទបានប៉ុនប៉ងបង្កជម្លោះ និងញុះញង់ឱ្យមានចលាចល ព្រមទាំងបង្កសកម្មភាពឃោនាបែបភេរវនិយម និងជ្រុលនិយម ក្នុងទម្រង់ជាការធ្វើសកម្មភាពភេរវកម្ម។
តាំងពីថ្ងៃចាប់ខ្លួនមក មេធាវីអាចចូលជួបលោក ស្ហង់ បានពីរលើក តែក្រុមគ្រួសារពុំអាចភ្ជាប់ទំនាក់ទំនងជាមួយបានឡើយ។ ប៉ូលិសចិនក៏ពុំបញ្ជាក់ព័ត៌មានអំពីការចាប់ខ្លួនសកម្មជនប្រឆាំងនឹងអំពើពុករលួយនេះទេដែរ។
សូមបញ្ជាក់ថាក្រោយបញ្ចប់ទណ្ឌភាព លោក ស្ហង់ មិនបានបញ្ឈប់សកម្មភាពសិទ្ធិមនុស្ស និងប្រយុទ្ធប្រឆាំងនឹងអំពើពុករលួយទេ។ លោកថែមទាំងបានបង្ហាញសកម្មភាពគាំទ្រជាសាធារណៈ ក្នុងថ្ងៃកាត់ទោសមេធាវីសិទ្ធិមនុស្សនៅតុលាការផង។ លោក ស្ហង់ ធ្លាប់បានប្រកាសថា មានតែការតស៊ូជាសាធារណៈទេ ទើបអាចលើកចិត្តឱ្យមនុស្សលែងភ័យនឹងការការពារសិទ្ធិរបស់ខ្លួន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ