គ្រោះរញ្ជួយដីនៅព្រំដែនឡាវថៃ រញ្ជួយដល់ក្រុងបាងកក និងហាណូយ
ប្រទេសឡាវ នៅព្រឹកថ្ងៃព្រហស្បតិ៍ ទី ២១វិច្ឆិកា បានរងគ្រោះរញ្ជួយដីដល់ទៅពីលើក។ តាមរបាយការណ៍របស់ទីភ្នាក់ងារអាមេរិកាំង ដើម្បីតាមដានភូមិសាស្រ្ត គ្រោះរញ្ជួយដី កម្រិត ៦,១ មាត្រដ្ឋានរិចទែរ កើតឡើង នៅម៉ោង ៦ និង៥០នាទី នៅភាគខាងជើងប្រទេសឡាវ នៅចំណុចជាប់ព្រំដែនជាមួយប្រទេសថៃ។ នៅក្នុងតំបន់ដដែល គ្រោះរញ្ជួយ កម្រិត ៥,៧មាត្រដ្ឋានរិចទែរ បានកើតឡើងម្តងហើយ កាលពី ៣ម៉ោងមុន។ នៅក្នុងប្រទេសឡាវ កុម្មុយនិស្ត អាជ្ញាធរមិនបានបញ្ជាក់ពីករណីរងគ្រោះដោយសារគ្រោះរញ្ជួយដីនៅថ្ងៃព្រហស្បតិ៍នេះទេ។
ចុះផ្សាយនៅថ្ងៃ៖ កែប្រែថ្ងៃទី៖
គ្រោះរញ្ជួយដីពី បានកើតឡើង បន្តបន្ទាប់គ្នា នៅថ្ងៃទី ២១វិច្ឆិកា នៅខេត្តភាគខាងជើង Sainyabuli របស់ប្រទេសឡាវ នៅត្រង់ចំណុច ជាប់ព្រំដែនជាមួយប្រទេសថៃ ភាគខាងជើង។ តាម នាយកដ្ឋានឧតុនិយមថៃ គ្រោះរញ្ជួយដីនៅប្រទេសឡាវ លើកទី ១ ស្ថិតក្នុងជម្រៅដី ៥គីឡូម៉ែត្រ ចំណែកគ្រោះរញ្ជួយដី កើតឡើងលើកទី ២ ស្ថិតនៅក្នុងជម្រៅដី ៣គីឡូម៉ែត្រ។
គ្រោះរញ្ជួយដី នៅព្រំដែនថៃ ឡាវ បានរញ្ជួយ ប៉ះពាល់ដល់ខេត្តចំនួន ៩របស់ថៃ ដែលមានតាំងពី ខេតណាន (ជាប់តំបន់រញ្ជួយតែម្តង) ឈៀងម៉ៃ ឈៀងរ៉ៃ ជាដើម ចំណែកទីក្រុងបាងកក ដែលស្ថិតនៅចម្ងាយ ជាង ៧០០គីឡូម៉ែត្រ ពីខេត្តណាន ក៏រងរញ្ជួយតិចៗនឹងគេដែរ។
នៅក្រោយការចុះផ្សាយជាបន្តបន្ទាប់ នៅលើបណ្តាញសង្គម ប្រជាជននៅទីក្រុងហាណូយ ដែលស្ថិតនៅចម្ងាយ៤៨៥គីឡូម៉ែត្រពីខេត្តSainyabuli អះអាងដែរថា ពួកគេភ្ញាក់ពីដំណេកទាំងភ័យខ្លាច នៅពេលឃើញអគារ ញ័រ រង្គើ នៅព្រឹកថ្ងៃព្រហស្បតិ៍។
តាមក្រុមហ៊ុនថៃ ដែលជាម្ចាស់រោងចក្រវារីអគ្គិសនី Hongsa នៅក្នុងខេត្ត Sainyabuliរបស់ប្រទេសឡាវ ជាទីដែលមានគ្រោះរញ្ជួយដី គេបានបិទផ្អាកសកម្មភាពរបស់រោងចក្រ បន្ទាប់ពី គេសង្កេតឃើញមានស្នាមប្រេះ នៅលើជញ្ជាំងរបស់រោងចក្រដោយសារគ្រោះរញញ្ជួយដីនៅថ្ងៃព្រហស្បតិ៍។ កាសែតក្នុងស្រុកថៃ បានចុះផ្សាយរូបថតជញ្ជាំងរបស់អគាររោងចក្រអគ្គិសនី ដែលបាក់ធ្លាក់ដល់ដី។
គ្រោះរញ្ជួយដី កើតមាន នៅខេត្ត Xayabuli ដែលស្ថិតនៅចម្ងាយជាង ១០គីឡូម៉ែត្រ ពីខេត្តសាយ៉ាបូរី ដែលមានទីតាំងរោងចក្រវារីអគ្គិសនីដ៏ចម្រូងចម្រាស សាយ៉ាបូរី Xayaburi ប៉ុន្តែ ក្រុមហ៊ុនថៃCK Power ដែលជាម្ចាស់រោងចក្រអគ្គិសនី សាយ៉ាបូរី អះអាង ថា រោងចក្រផលិតអគ្គិសនី ដែលបានមកពីទំនប់វារីអគ្គិសនី សាយ៉ាបូរី នឹងនៅបន្តដំណើរការដដែល ព្រោះ វាមិនបានរងខូចខាតដោយសារគ្រោះរញ្ជួយដីលើកនេះទេ។
ខុសពីឥណ្ឌូណេស៊ី ហ្វីលីពីន ដែលឧស្សាហ៍រងរញ្ជួយ ដោយសារគ្រោះរញ្ជួយដី និងគ្រោះថ្នាក់ផ្ទុះភ្នំភ្លើង គ្រោះរញ្ជួយដី កើតមានដោយកម្រ នៅប្រទេសអាស៊ីអាគ្នេយ៍ដីគោក ដូចជាថៃ ឡាវ និងវៀតណា។ គ្រោះរញ្ជួយដី កើតមាននៅទឹកដីភាគខាងជើង ឡាវ ជាប់ជាមួយព្រំដែនថៃ នៅពេលនេះ បន្ទាប់ពីគ្រោះរញ្ជួយដី ដ៏ធំមួយ ៦,៨ មាត្រដ្ឋានរិចទែរ បានរញ្ជួយបំផ្លាញតំបន់សំបូរប្រាសាទបុរាណដ៏ល្បីឈ្មោះ របស់ភូមា Bagan កាលពីឆ្នាំ ២០១៦ ដែលកាលណោះបានសម្លាប់ មនុស្ស ៣នាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ