ទស្សនកិច្ចលោកអគ្គលេខាមជ្ឈិមបក្សកុម្មុយនិស្តវៀតណាមនៅរុស្ស៊ី
អគ្គលេខាមជ្ឈិមបក្សកុម្មុយនិស្តវៀតណាម លោក Nguyen Phu Trong ដែលល្ងាចម្សិលម៉្ងៃ បានអញ្ជើញមកដល់ម៉ូស្គូក្នុងបរិបទទស្សនកិច្ចផ្លូវការនៅរុស្ស៊ី ថ្ងៃ ២៥ វិច្ឆិកានេះ ជួបចរចា ដាច់ពីគ្នានៅឯនិវេសនដ្ឋានប្រមុខរដ្ឋនិងប្រមុខរដ្ឋាភិបាលរុស្ស៊ីជាយក្រុង Sochi មាត់សមុទ្រខ្មៅ ជាមួយលោកប្រធានាធិបតីពូទីន ផង និងលោកនាយករដ្ឋមន្ត្រីមេដវេដេវ ផង។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៦
តាមដែលវិមានក្រេមឡាំងប្រកាសឲ្យដឹងស្ថិតនៅក្នុងរង្វង់នៃកិច្ចចរចា រវាងអគ្គលេខា មជ្ឈិមបក្សកុម្មុយនិស្តវៀតណាម លោក Nguyen Phu Trong និងលោកប្រធានាធិបតីរុស្ស៊ី ពូទីន គឺញ្ហាសមិទ្ធិ គម្រោងរួមធំៗរបស់ប្រទេសទាំងពិក្នុងវិស័យជីកបូមឧស្ម័ននិងប្រេងឆៅ វិស័យថាមពលបរមាណូ សហប្រតិបត្តិការផលិតផ្នែកឧស្សាហកម្ម ព្រមទាំងការពង្រីកទំនាក់ទំនងផ្នែកវប្បធម៌និងមនុស្សធម៌។
ប្រាកដណាស់ដែល អ្នកដឹកនាំទាំងពីរ លើកយកទៅពិភាក្សាជាសាច់ការ គឺ អំពីទស្សនៈវិស័យនៃការស៊ីជម្រៅតទៅទៀត ភាពជាដៃគូយុទ្ធសាស្ត្រគ្រប់ជ្រុងជ្រោយ រវាងវៀតណាមនិងរុស្ស៊ីនៅតាមទិសអភិវឌ្ឍន៍ការព្រមព្រៀងគ្នាទាំងអម្បាលម៉ាន ដែលមានសម្រេចបាន ជាលទ្ធផលនៃទស្សនកិច្ចផ្លូវការរបស់លោកប្រធានាធិបតីរុស្ស៊ីពូទីន នៅវៀតណាមមួយឆ្នាំមុនគឺកាលពីថ្ងៃ១២វិច្ឆិកាឆ្នាំ២០១៣។ គូភាគី ក៏ផ្ទៀងផ្ទាត់គោលជំហរប្រទេសខ្លួនចំពោះបញ្ហាប្រកបដោយបច្ចុប្បន្នភាពនៃស្ថានការណ៍អន្តរជាតិ។
អំពីជំនួបលោក Nguyen Phu Trong ជាមួយលោក នាយករដ្ឋមន្ត្រីរុស្ស៊ីមេដវេដេវ អង្គភាព ព័ត៌មានរដ្ឋាភិបាលរុស្ស៊ីបានឲ្យដឹងថា ប្រធានបទចម្បងគឺប៉ះលើ ទំនាក់ទំនងសេដ្ឋកិច្ចទ្វេភាគី បូកទាំងការពង្រីកទំហំផ្តោះប្តូរពាណិជ្ជកម្ម ដែលបច្ចុប្បន្ន មានទឹកប្រាក់៣.៩០០ លានដុល្លារឲ្យក្នុងឆ្នាំក្រោយឆ្នាំ២០១៥ វាត់ដល់៧.០០០លានដុល្លារតែម្តង។ នៅតាមមុខព្រួញនេះ គូភាគី ពិភាក្សាទៅលើអនាគតកិច្ចព្រមព្រៀង ស្តីអំពី”តំបន់ពាណិជ្ជកម្មសេរី” រវាងមួយចំណែកគឺវៀតណាមនិងមួយចំណែកទៀត គឺ “សហភាពពន្ធគយ” ដែលមាន ៤ប្រទេសទៅហើយជាសមាជិកគឺរុស្ស៊ីបេឡារុស្សីកាហ្សាក់ស្ថាន អារមេនី។
ដោយហេតុថា លោកនាយករដ្ឋមន្ត្រីមេដវេដេវ ជាប្រធាននៃបក្សកាន់អំណាចនៅរុស្ស៊ី ក្រោម ឈ្មោះថា “ប្រទេសរុស្ស៊ីរួមធ្លុងមួយ”ដែលមានអសនៈភាគច្រើនដល់ទៅ ២៣៨ លើ ៤៥០ អសនៈ ប្រចាំក្នុងសភាឌូម៉ា បានជាសាច់រឿងមួយទៀតនៃកិច្ចចរចារបស់គាត់ ជាមួយលោក Nguyen Phu Trong ជាអគ្គលេខាមជ្ឈឹមបក្សកុម្មុយនិស្ត បក្សកាន់អំណាចនៅវៀតណាមគឺបញ្ហា បំផុសបំផុលទំនាក់ទំនងផ្លូវបក្ស រវាងគណបក្សទាំងពីរតែម្តង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ