លោកអាត់ ធន់៖និយោជកត្អួញថាកម្មករនៅកម្ពុជាមិនគោរពលក្ខខណ្ឌការងារ និងមានតំលៃខ្ពស់
ចុះផ្សាយនៅថ្ងៃ៖
ស្តាប់ - ១០:៥៣
នៅថ្ងៃនេះ មានការប្រជុំជជែកគ្នាមួយ ដែលរៀបចំដោយមានការចូលរួមពីអ្នកបញ្ជាទិញចំនួន ៧ ពីសហជីពជាង ១០សំខាន់ៗក្នុងវិស័យកាត់ដេរ សហជីពអន្តរជាតិ អង្គការអន្តរជាតិខាងការងារ ILO រួមទាំងតំណាងរោងចក្រកាត់ដេរនៅកម្ពុជា។ កិច្ចប្រជុំ បានផ្តោតសំខាន់លើការរកលទ្ធភាពដើម្បីតម្លើងប្រាក់ឈ្មួល ដល់កម្មករនិយោជិត ក្នុងវិស័យកាត់ដេរ ឲ្យមានជីវភាពរស់នៅសមរម្យ។ លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (ស៊ីខៅឌូ) បានបញ្ជាក់ក្នុងនាទីភ្ញៀវប្រចាំថ្ងៃឆ្លើយតបនឹងសំណួររបស់ សួង សុខភារី ថាកិច្ចពិភាក្សានេះ មានសារៈសំខាន់ច្រើនណាស់សម្រាប់វិស័យរោងចក្រនៅកម្ពុជា ដូចជាអាចបង្កើនតំលៃទិញ និងធ្វើឲ្យការបញ្ហាទិញផលិតផលក្នុងវិស័យកាត់ដេរនៅកម្ពុជា មានផែនការច្បាស់លាស់។