លោក ឌឹម សុវណ្ណារុំ៖ EU នឹងងាកមកជួយ គជប វិញ បើការសម្រេចចិត្តមិនឈរលើបញ្ហានយោបាយ
ចុះផ្សាយនៅថ្ងៃ៖
ស្តាប់ - ១៣:១៦
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ឌឹម សុវណ្ណារុំ អ្នកនាំពាក្យគណៈកម្មាធិការជាតិរៀបចំការបោះឆ្នោតហៅកាត់ថា គជប។ កម្ពុជា នឹងបញ្ជូនគណៈប្រតិភូមួយក្រុម ដោយមានការចូលរួមពីរដ្ឋលេខាធិការក្រសួងការបរទេស និងតំណាងគណៈកម្មាធិការជាតិរៀបចំការបោះឆ្នោត ដើម្បីចូលរួមកិច្ចប្រជុំគណៈកម្មាធិការកម្ពុជានិងសហភាពអ៊ឺរ៉ុប ដែលធ្វើឡើងនៅឯទីក្រុងប្រ៊ុចហ្សែល (Bruxelles) ប្រទេសប៊ែលស៊ិក ចាប់ពីថ្ងៃទី ១២ ដល់ថ្ងៃទី ១៤ ខែមីនាខាងមុខនេះ។ ឆ្លៀតក្នុងឳកាសនោះ តំណាងភាគីកម្ពុជា នឹងធ្វើសេចក្តីពន្យល់មួយក្នុងគោលបំណងដើម្បីបញ្ចុះបញ្ចូលឲ្យតំណាងសហភាពអឺរ៉ុប ងាកមកជួយលើដំណើរការបោះឆ្នោតនៅកម្ពុជាឡើងវិញ ខណៈដែល ភាគីកម្ពុជា ក៏នឹងមានការចុះហត្ថលេខាលើអនុស្សារណៈយោគយល់គ្នា (MOU) ជាមួយប្រទេសរុស្ស៊ីផង ដើម្បីផ្លាស់ប្តូរបទពិសោធន៍គ្នាលើការរៀបចំការបោះឆ្នោតរវាងប្រទេសទាំងពីរ។
