លោក ហាក់ សៀកលីម៖ ដល់ពេលហើយ ដែលតុលាការចាត់វិធានការច្បាប់លើតុលាការមហាជន
ចុះផ្សាយនៅថ្ងៃ៖
ស្តាប់ - ១២:២៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ហាក់ សៀកលីម សមាជិកគណៈកម្មការប្រតិបត្តិនៃសមាគមសាលាត្រាជូ ជាសមាគមអព្យាក្រឹត្យមួយ ដែលត្រូវបានបង្កើតឡើង ដើម្បីអភិវឌ្ឍវិស័យច្បាប់នៅកម្ពុជា។ ឆ្លើយតបនឹងសំណួររបស់វិទ្យុបារាំងអន្តរជាតិ RFI ទាក់ទងនឹងព្រឹត្តិការណ៍ កាលពីថ្ងៃទី១១មីនា ដែលមហាជនបានវាយដុំទៅលើអ្នកបើកបររថយន្តម្នាក់ ស្ទើស្លាប់ស្ទើរស់ ដោយសារករណីគ្រោះថ្នាក់ចរាចរណ៍នៅក្នុងទីក្រុងភ្នំពេញនោះ លោក ហាក់ សៀកលីម បានលើកឡើងថា ដល់ពេលហើយ ដែលតុលាការចាត់វិធានការច្បាប់លើតុលាការមហាជន។ បើតាមអ្នកច្បាប់រូបនេះ មហាជនដែលនាំគ្នា ទៅវាយដុំលើជនសង្ស័យនៅតាមទីសាធារណៈ នឹងត្រូវប្រឈមទោសព្រហ្មទណ្ឌ ដែលអាចជាប់ពន្ធនាគាររយៈពេល៥ឆ្នាំ។
