លោកសាឃឿន សក្តា៖ ការរកឃើញអតីតរាជវាំងលើខ្នងភ្នំគូលែន មានសារសំខាន់ សម្រាប់ចុះបញ្ជីសម្បត្តិបេតិកភណ្ឌពិភពលោក
ចុះផ្សាយនៅថ្ងៃ៖
ស្តាប់ - ១០:៥៧
ក្រសួងបរិស្ថាន សហការជាមួយអាជ្ញាធរជាតិអប្សរា អង្គការមូលនិធិបុរាណវិទ្យា និងអភិវឌ្ឍន៍ (ADF) កាលពីថ្ងៃទី ៧ មេសា បានប្រកាសពីការរកឃើញ អតីតរាជវាំងបុរាណមួយ ស្ថិតនៅលើខ្នងភ្នំគូលែន បន្ទាប់ពីក្រុមបុរាណវិទូមកពីស្ថាប័នទាំងនេះ បានធ្វើកំណាយស្រាវជ្រាវលើទីតាំងឈ្មោះ បន្ទាយ បច្ចុប្បន្នហៅថាផ្ទះគូចារ្យ ស្ថិតនៅក្នុងឧទ្យានជាតិព្រះជ័យវរ្ម័ន នរោត្តម ភ្នំគូលែន ក្នុងភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប។ អតីតរាជវាំង ឬ រាជដំណាក់នេះ គឺស្ថិតនៅក្នុងរាជព្រះបាទជ័យវរ្ម័នទី២ ក្នុងសតវត្សទី៩ ។ លោក សាឃឿន សក្តា បុរាណវិទូនៃមូលនិធិបុរាណវិទ្យានិងអភិវឌ្ឍន៍ (ADF) ជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ បានបញ្ជាក់ថា ការរកឃើញនូវអតីតរាជវាំងបុរាណ លើខ្នងភ្នំគូលែន ឬគេហៅថា “មហេន្ទ្របព៌ត” នេះ គឺជាភស្តុតាងថ្មី ដើម្បីស្នើសុំដាក់តំបន់នេះចុះបញ្ជី ជាសម្បត្តិបេតិកភណ្ឌពិភពលោកថ្មីរបស់អង្គការយូនេស្កូ។