លោកប៊ូ វរសក្ស៖ រូបថតសត្វស្លាបកម្រៗជាង៣០ប្រភេទ នឹងត្រូវបង្ហាញក្នុងពិព័រណ៌លើកដំបូងនៅកម្ពុជា
ចុះផ្សាយនៅថ្ងៃ៖
ស្តាប់ - ១១:២៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ប៊ូ វរសក្ស នាយកកម្មវិធីនៃអង្គការជីវិតសត្វស្លាបអន្តរជាតិប្រចាំនៅកម្ពុជា ឬ Bird Life International Cambodia Program។ បើតាមលោក វរសក្ស ចាប់ពីថ្ងៃទី១៧ និងថ្ងៃទី១៨ខែមីនាចុងសប្តាហ៍នេះ ក្រសួងបរិស្ថានសហការជាមួយអង្គការពាក់ព័ន្ធនានា នឹងរៀបចំការតាំងពិព័រណ៍សត្វស្លាបលើកទី១ នៅឯរមណីយដ្ឋានវត្តភ្នំ ក្រោមប្រធានបទ«សក្តានុពលទេសចរណ៍ធម្មជាតិ និងសត្វស្លាបនៅកម្ពុជា»។ អ្នកជំនាញរូបនេះបានបញ្ជាក់ថា រូបថតសត្វស្លាបកម្រៗជាង៣០ប្រភេទ នឹងត្រូវបង្ហាញក្នុងពិព័រណ៌ជាលើកដំបូងនៅកម្ពុជានេះ។ ក្រៅពីទស្សនាសត្វស្លាបកម្រៗហើយ អ្នកចូលរួមក៏នឹងទទួលបានចំណេះដឹងទាក់ទងនឹងការអភិរក្សសត្វស្លាបនៅកម្ពុជាផងដែរ។