សមាជិកគ្រួសារលោក ម៉ៅ បូរ៉ា ច្រើនឡើងពាក់អាវធំដើរលក់ម៉ាំល្ហុង
ចុះផ្សាយនៅថ្ងៃ៖
ស្តាប់ - ០៨:៥៣
ប្រហែលជាលោកអ្នកខ្លះបានស្គាល់ហើយអ្នកលក់ម៉ាំ កាលីប ពាក់អាវធំ ចងក្រវ៉ាត់ក ដើរលក់ម៉ាំ ឈ្មោះ ម៉ៅ បូរ៉ា។ លោក ម៉ៅ បូរ៉ា បានផ្តើមរបរលក់ម៉ាំល្ហុងនៅក្នុងទីក្រុង តាំងពីឆ្នាំ ២០១០មកម្ល៉េះ។ របរលក់ម៉ាំដែលមិនត្រឹមតែចិញ្ចឹមលោកបូរ៉ាម្នាក់នោះទេ បងប្អូន សាច់ញាតិរបស់លោក ជាង២០នាក់ទៀត បានកំពុងរស់ដោយសារម៉ាំល្ហុងនេះដែរ។ ម៉ាំល្ហុងបានផ្តល់ការងារ ប្រាក់ចំណូលឲ្យមនុស្សមួយគ្រួសារនេះ តាមរយៈសមាជិកខ្លះដែលជួយធ្វើម៉ាំ និងខ្លះទៀត ដែលដើរលក់ម៉ាំ។ នៅពេលគ្រួសារ លោក ប៉ូរ៉ា ប្តូរផ្តាច់នឹងអាជីពលក់ម៉ាំ នាយករដ្ឋមន្ត្រីកម្ពុជា លោក ហ៊ុន សែន បានប្រកាសថា កម្ពុជាគួរតែលើកតម្កើងអារហារខ្មែរមួយចំនួន មានដូចជាម៉ាំល្ហុង ត្រីឆ្អើរ រឺត្រសក់ចាវ ជាដើម។
