ប្រាក់ឈ្នួល១២៨ដុល្លារសម្រាប់ឆ្នាំ២០១៥៖ រដ្ឋាភិបាលថាសមរម្យ ថៅកែព្រួយបារម្ភចំពោះការបិទទ្វារ ឯសហជីពថា មិនទាន់ទទួលយកបានទេ
ចុះផ្សាយនៅថ្ងៃ៖
ស្តាប់ - ០៨:៥៩
ក្រុមការងារត្រីភាគីដែលមានសមាសភាពរដ្ឋាភិបាល ថៅកែរោងចក្រ និងសហជីព បានសម្រេចដំឡើងប្រាក់ឈ្នួលគោលរបស់កម្មកររោងចក្រកាត់ដេរ និងដេរស្បែកជើងពី ១០០ដុល្លារទៅ ១២៨ដុល្លារ។ ក្រោយកិច្ចប្រជុំកាលពីព្រឹកថ្ងៃទី១២ វិច្ឆិកា ក្រសួងការងារ តំណាងឱ្យរដ្ឋាភិបាល បានលើកឡើងថាការដំឡើងប្រាក់ឈ្នួលនេះ គឺក្រសួងគិតទាំងកត្តាសេដ្ឋកិច្ច និងសង្គមក្នុងន័យកែសម្រួលជីវភាពរបស់កម្មករ និងធានានិរន្តរភាពនៃសង្វាក់ផលិតកម្ម។ដោយឡែកក្រុមសមាគមរោងចក្រ បានលើកឡើងថា ជាការដាក់កំហិតបង្ខំរោងចក្រ។ ដោយឡែកសហជីពបានលើកឡើងថា ការដំឡើងប្រាក់ត្រឹម១២៨ដុល្លារនេះ គឺមិនទាន់ឆ្លើយតបចំពោះតម្រូវការ និងអតិផរណារបស់កម្មករនោះទេ។