លោក ទឹម ម៉ាឡៃ៖ យុវជនដែលត្រូវបានឃាត់ខ្លួនភាគច្រើនជាជនរងគ្រោះដោយសារគ្រឿងញៀន
ចុះផ្សាយនៅថ្ងៃ៖
ស្តាប់ - ១០:០៧
សមត្ថកិច្ចបានចុះបង្រ្កាបនៅមជ្ឈមណ្ឌលកម្សាន្តរ៉ុក កាលពីយប់មិញ ដោយឃាត់ខ្លួនមនុស្សភាគច្រើនជាយុវជនជាង៣០០នាក់ ក្នុងនោះមានជនជាតិចិន១៤នាក់។ បើតាមសមត្ថកិច្ចយុវជនភាគច្រើនសុទ្ធតែមានផ្ទុកសារធាតុញៀនក្នុងខ្លួនតាមរយៈការធ្វើពិសោធន៍ទឹកនោម។ យ៉ាងណាក៏ដោយ នៅក្នុងនាទីភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ លោក ទឹម ម៉ាឡៃ ប្រធានបណ្តាញយុវជនកម្ពុជា បានលើកឡើងថា យុវជនទាំងនោះ ភាគច្រើនគឺជាជនរងគ្រោះទៅវិញដែលសមត្ថកិច្ចគួរតែធ្វើកិច្ចសន្យាអប់រំ។ ប៉ុន្តែលោកជំរុញឲ្យសមត្ថកិច្ចចាត់វិធានការដល់មេឈ្មួញជួញដូរគ្រឿងញៀនឬអ្នកនៅពីក្រោយខ្នង នោះទើបអាចលុបបំបាត់បញ្ហាគ្រឿងញៀននៅកម្ពុជាបាន។