លោក វឿន វុទ្ធី ៖ ការអភិរក្សអដ្ឋិធាតុរបស់ជនរងគ្រោះដើម្បីបញ្ជាក់ការពិតថាអ្នកទាំងនោះបានស្លាប់ក្នុងរបបខ្មែរក្រហម
ចុះផ្សាយនៅថ្ងៃ៖
ស្តាប់ - ០៩:២៥
អដ្ឋិធាតុជនរងគ្រោះក្នុងសម័យខែ្មរក្រហមជាង១០ម៉ឺនបំណែក ត្រូវបានក្រសួងវប្បធម៌ចុះបញ្ជីទុកជាវត្ថុអភិរក្សសម្រាប់មនុស្សជំនាន់ក្រោយ សិក្សាស្វែងយល់ ក្រោយពីធ្វើកំណាយលើទីតាំងពិឃាតមនុស្សសំខាន់ៗនៅទូទាំងប្រទេសតាំងពីឆ្នាំ ២០១២ រហូតបច្ចុប្បន្ន។ លោក វឿន វុទ្ធី ប្រធាននាយកដ្ឋានបុរាណវិទ្យានិងបុរេប្រវត្ដិវិទ្យានៃក្រសួងវប្បធម៌និងវិចិត្រសិល្បៈបានថ្លែងថា ការអភិរក្សនេះគឺចង់បញ្ជាក់ឲ្យច្បាស់ថា ជនរងគ្រោះទាំងនោះគឺត្រូវបានសម្លាប់ក្នុងសម័យខ្មែរក្រហម ពោលមិនមែនត្រូវបានគេសម្លាប់ពីកន្លែងដទៃ ឬក្រោយសម័យខ្មែរក្រហមនោះទេ។