បុរសកម្ពុជា៣ប្រឈមនឹងការបញ្ជួនចេញពីអាមេរិក បន្ទាប់ពីបង្រ្កាបលើជនអន្តោប្រវេសន៍ខុសច្បាប់
បុរសកម្ពុជា៣នាក់ត្រូវបានឃុំខ្លួននៅឯទីបញ្ជាការដ្ឋានអន្តោប្រវេសន៍ និងគយ ( ICE) នៅក្នុងទីក្រុងសាន់ហ្វ្រាន់ស៊ីស្កូ សហរដ្ឋអាមេរិក កាលពីថ្ងៃពុធ ហើយទំនងជាត្រូវបានបញ្ជួនចេញមកប្រទេសកំណើតវិញនៅក្នុងប៉ុន្មានសប្ដាហ៍ខាងមុខនេះ។ នេះជាយុទ្ធនាការបង្រ្កាបលើជនអន្តោប្រវេសន៍ខុសច្បាប់ ដោយរដ្ឋបាលរបស់ប្រធានាធិបតី ដូណាល់ ត្រាំ។
ចុះផ្សាយនៅថ្ងៃ៖ កែប្រែថ្ងៃទី៖
ក្នុងចំណោមបុរសដែលត្រូវបានឃាត់ខ្លួននោះគឺ ឈ្មោះ Hay Hov អាយុ ៣៩ ឆ្នាំ ជាអ្នកបើករថយន្តដឹកទំនិញក្នុងរដ្ឋOakland។ បុរសរូបនេះ មានកូនប្រុសពិការម្នាក់ដែលស្ថានភាពរបស់គាត់ត្រូវបានបង្ហាញនៅក្នុងរឿង The Chronicle នៅសប្តាហ៍នេះ។ នេះបើយោងតាមសារព័ត៌មាន San Francisco Chronicle។
តាមសារព័ត៌មានដដែល លោក Hay Hov ត្រូវបានបញ្ជូនទៅមណ្ឌលឃុំឃាំង Mesa Verde ក្នុងទីក្រុង Bakersfield នៅរាត្រីថ្ងៃពុធ ហើយនឹងជួបជាមួយមន្រ្តីកុងស៊ុលកម្ពុជានៅរដ្ឋតិចសាសក្នុងរយៈពេលពីរឬបីសប្តាហ៍ទៀត។
យោងតាមអ្នកតស៊ូមតិក្នុងស្រុកបានឱ្យដឹងថាយ៉ាងហោចណាស់មានប្រជាជនកម្ពុជា៨នាក់ត្រូវបានគេសុំឱ្យរាយការណ៍ទៅមន្រ្តីអន្តោប្រវេសន៍និងគយនៅតាមផ្លូវ Sansome ហើយមនុស្សជាច្រើនទៀតត្រូវបានគេរំពឹងថានឹងត្រូវឃុំខ្លួននៅទូទាំងសហរដ្ឋអាមេរិកនៅខែនេះ។
សូមបញ្ជាក់ថា បុរស Hay Hov ធ្លាប់បានជាប់ពន្ធនាគារ៥ឆ្នាំក្នុងក្រុង Soledad បន្ទាប់ពីត្រូវបានផ្តន្ទាទោសក្នុងឆ្នាំ ២០០១ ពីបទបាញ់ប្រហារលើបុរសម្នាក់។
សារព័ត៌មាន San Francisco Chronicle បានដកស្រង់សំដីលោកហូវដែលបាននិយាយកាលពីថ្ងៃពុធថា បញ្ជាការដ្ឋានអន្តោប្រវេសន៍ និងគយ របស់អាមេរិក បានដាក់កំហិតទៅលើជនភៀសខ្លួនកម្ពុជាដែលបានប្រព្រឹត្តបទឧក្រិដ្ឋជាច្រើនឆ្នាំឬច្រើនទសវត្សរ៍តាំងពីក្មេងជំទង់ ដែលចំណាយលុយពួកគេឱ្យមានប័ណ្ណបៃតងនិងដាក់ពួកគេឱ្យទៅជាទាសករ។
កាលពីចុងខែធ្នូឆ្នាំ២០១៨ ពលរដ្ឋខ្មែរអាមេរិកាំងចំនួន៣៦នាក់ត្រូវបានអាជ្ញាធរអាមេរិកបញ្ជួនមកកម្ពុជាវិញ បន្ទាប់ពីពួកគេប្រព្រឹត្តិបទឧក្រិដ្ឋ និងទទួលទោសរួចរាល់នៅទីនោះ។ យ៉ាងណាក៏ដោយ រដ្ឋាភិបាលកម្ពុជា អះអាងថា គ្មានជម្រើសអ្វីក្រៅតែពីព្រមទទួលយកពលរដ្ឋរបស់ខ្លួនមកវិញទេ បើទោះបីកន្លងមកកម្ពុជាធ្លាប់បានតវ៉ាកុំឲ្យអាមេរិកបញ្ជួនពលរដ្ឋអាមេរិកាំងដើមកំណើតខ្មែរមកវិញ ដោយចាត់ទុកថាជារឿងរំលោភសិទ្ធិមនុស្សធ្ងន់ធ្ងរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ