យុវជនមួយក្រុម ប្រើបណ្តាញទំនាក់ទំនងសង្គម ដើម្បីចូលរួមដោះស្រាយបញ្ហាជម្លោះដីធ្លីដល់ពលរដ្ឋ
ចុះផ្សាយនៅថ្ងៃ៖
ស្តាប់ - ០៨:២៩
គេធ្លាប់តែឮថា បញ្ហាជម្លោះដីធ្លី គេតែងតែធ្វើការដោះស្រាយតាមរយៈអាជ្ញាធរដែនដី ការប្តឹងទៅកាន់តុលាការ និងការសុំអន្តរាគមន៍ពីប្រមុខរដ្ឋាភិបាលពីសំណាក់ប្រជាពលរដ្ឋរងគ្រោះជាដើម។ ក៏ប៉ុន្តែនៅពេលនេះ មានយុវជនមួយក្រុម បានធ្វើសកម្មភាពប្រៀបដូចជាអ្នកសារព័ត៌មានដោយពួកគេប្រើប្រាស់ទូរស័ព្ទSmart Phone ថតជារូបភាពសន្លឹក និងវីឌីអូ ពីបញ្ហាជម្លោះដីធ្លី ហើយបង្ហោះលើបណ្តាញទំនាក់ទំនងសង្គម ដែលពួកគេអះអាង ជាផ្នែកមួយក្នុងការចូលរួមដោះស្រាយបញ្ហាជម្លោះដីធ្លីដល់ប្រជាពលរដ្ឋ។ ជាការចូលរួមដោះស្រាយ ដោយសារពួកគេយល់ថា ការធ្វើបែបនេះ វាគឺជាស្ពានចម្លងដ៏មានប្រសិទ្ធភាពមួយដែលអាចឲ្យ លោកនាយករដ្ឋមន្ត្រីហ៊ុន សែន ឲ្យបានដឹង និងគិតគូរដោះស្រាយជម្លោះដីធ្លីដល់ប្រជាពលរដ្ឋ។