មេធាវី សុក សំអឿន៖ ដើម្បីបញ្ចប់ភាពចម្រូងចម្រាស់ គឺត្រូវបង្កើតនីតិវិធីប្តឹងចំពោះជនបរទេសដែលគេសង្ស័យថាមិនមានសញ្ជាតិខ្មែរត្រឹមត្រូវ!
ចុះផ្សាយនៅថ្ងៃ៖
ស្តាប់ - ១៥:០៤
ករណីជនបរទេសដែលមិនចេះខ្មែរ ឲ្យតែកាន់អត្តសញ្ញាណបណ្ណសញ្ជាតិខ្មែរគឺអាចបោះឆ្នោតបាន កំពុងតែបង្កឲ្យមានភាពខ្វែងគំនិតគ្នា និងបណ្តាលឲ្យមានសង្គ្រាមប៉ាកកាផងដែរ។ ក្នុងនាមជាអ្នកច្បាប់ម្នាក់ លោកមេធាវី សុក សំអឿន បានត្រូវអញ្ជើញជាភ្ញៀវប្រចាំថ្ងៃរបស់វិទ្យុបារាំង RFI ដើម្បីឲ្យបកស្រាយបំភ្លឺចំពោះទិដ្ឋភាពច្បាប់ពាក់ព័ន្ធនឹងបញ្ហានេះ។ លោកមេធាវី លើកឡើងថា «ច្បាប់របស់យើងនៅមានចន្លោះប្រហោង។ តាមច្បាប់ គ្មានត្រង់ណាដែលហាមជនបរទេសដែលមិនចេះនិយាយខ្មែរ ឲ្យទៅបោះឆ្នោតបាននោះទេ។ ដូច្នេះចំពោះជនបរទេសដែលត្រូវគេសង្ស័យថាមិនមានសញ្ជាតិខ្មែរត្រឹមត្រូវ តែមានអត្តសញ្ញាណបណ្ណខ្មែរនោះ គឺគួរតែបង្កើតនិតីវិធីប្តឹង ឲ្យជននោះបង្ហាញភស្តុតាងថាពិតជាមានសញ្ជាតិខ្មែរពិតមែន»។ ដូច្នេះសូមអញ្ជើញស្តាប់បទសម្ភាសរវាង ហេង ឧត្តម និងលោក សុក សំអឿន ៖
