កញ្ញា គ្រុយ ណារិន ៖ ចំពោះវិបត្តិអចលនទ្រព្យ ត្រូវកែសម្រួលទាំងទីផ្សារនិងតម្លៃ ព្រមទាំងលក្ខខណ្ឌឲ្យប្រសើរជាងមុន!
ចុះផ្សាយនៅថ្ងៃ៖
ស្តាប់ - ៣៤:១៩
ភ្ញៀវប្រចាំថ្ងៃរបស់យើងនៅយប់នេះ គឺកញ្ញា គ្រុយ ណារិន ដែលជាអនុប្រធាននាយកដ្ឋាន នៃអគ្គនាយកដ្ឋានគោលនយោបាយសេដ្ឋកិច្ច និងហិរញ្ញវត្ថុ របស់ក្រសួងសេដ្ឋកិច្ចនិងហិរញ្ញវត្ថុ។ កញ្ញាបានទទួលសញ្ញាបត្រអនុបណ្ឌិតសេដ្ឋកិច្ច ពីប្រទេសជប៉ុន និងបានទទួលការហ្វឹកហាត់ការងារនៅសហរដ្ឋអាមេរិក។ ឆ្លើយតបនឹងសំណួររបស់វិទ្យុបារាំង, កញ្ញា គ្រុយ ណារិន ពន្យល់លម្អិតចំពោះកត្ដាដែលជំរុញឲ្យសេដ្ឋកិច្ចកម្ពុជា បន្តរក្សាកំណើនរឹងមាំក្នុងរង្វង់៧% សម្រាប់ឆ្នាំ២០១៦នេះ និងឆ្នាំ២០១៧ខាងមុខ។ អ្នកតំណាងក្រសួងសេដ្ឋកិច្ចរូបនេះ ក៏បានជម្រាបពីទិដ្ឋភាពទូទៅនៃការប្រមូលពន្ធ ព្រមទាំងបញ្ជាក់ពីកំណើននៃការប្រមូលពន្ធដែលលើសពីការរំពឹងទុកនៅស្រុកខ្មែរ។ មិនតែប៉ុណ្ណោះ សេដ្ឋវិទូវ័យក្មេងរូបនេះ ក៏បានរៀបរាប់ពីហានិភ័យមួយចំនួនដែលគួរឲ្យព្រួយបារម្ភ និងដែលហ្វ្រាំងរាំងស្ទះការបោះជំហានទៅមុខនៃសេដ្ឋកិច្ចជាតិកម្ពុជា។
