គណបក្សកាន់អំណាចបន្តរុញវិសោធនកម្មច្បាប់ស្តីពីគណបក្សនយោបាយទៅមុខ ទោះជារងការរិះគន់
ក្រុមប្រឹក្សាអ្នកច្បាប់របស់រដ្ឋាភិបាលកម្ពុជាដែលមានសមាសភាពចម្រុះ បានបន្តរុញនីតិវិធីនៃការធ្វើវិសោធនកម្មច្បាប់ស្តីពីគណបក្សនយោបាយទៅមុខ ក្រោយពីមានបទបញ្ជាពីលោកនាយករដ្ឋមន្រ្តី ហ៊ុន សែន។ មន្រ្តីជាន់ខ្ពស់គណបក្សនេះបានបញ្ជាក់ថា នៅពេលនេះ គណបក្សប្រជាជនកម្ពុជាក៏កំពុងប្រមូលយកហត្ថលេខាពីក្រុមតំណាងរាស្ត្ររបស់ខ្លួនយ៉ាងតិច៥០រូបដាក់ទៅកាន់រដ្ឋសភានៅត្រឹមពាក់កណ្តាលសប្តាហ៍ក្រោយនេះ ដើម្បីស្នើសុំធ្វើវិសោធនកម្មច្បាប់ស្តីពីគណបក្សនយោបាយជាលើកដំបូង បន្ទាប់ពីបានប្រកាសឲ្យប្រើចាប់តាំងពីឆ្នាំ១៩៩៧មក។ ក្នុងស្ថានភាពនេះ មន្រ្តីជាន់ខ្ពស់គណបក្សកាន់អំណាចបានពន្យល់ថា ការធ្វើវិសោធនកម្មច្បាប់ស្តីពីគណបក្សនយោបាយ គឺសម្រាប់អនុវត្តគ្រប់គណបក្សនយោបាយទាំងអស់នៅកម្ពុជា ទោះរងការរិះគន់ថា ជាការប៉ុនប៉ងបញ្ចប់ជីវិតនយោបាយរបស់លោក សម រង្ស៊ី ពីប្រធានគណបក្សប្រឆាំង។
ចុះផ្សាយនៅថ្ងៃ៖
ស្តាប់ - ០១:០៧