ប្រាក់ សុខុន៖ “កម្ពុជាចង់បង្កើនតួនាទីក្នុងការរក្សាសន្តិភាពនៅលើពិភពលោក”
ចុះផ្សាយនៅថ្ងៃ៖
ស្តាប់ - ០៩:៣៩
សមយុទ្ធនៃកងកម្លាំងពហុសាសន៍ មានឈ្មោះថា “ឆ្មាំអង្គរ ២០១០” ដែលបានចាប់បើកធ្វើ នៅកម្ពុជា តាំងពីថ្ងៃទី១២ កក្កដា ២០១០មកនោះ បានបិទបញ្ចប់ កាលពីថ្ងៃសុក្រ ទី៣០ កក្កដានេះ។លោក ប្រាក់ សុខុន រដ្ឋមន្រ្តីប្រតិភូអមនាយករដ្ឋមន្រ្តីកម្ពុជា និងជាប្រធានគណៈកម្មការGPOI (Global Peace Operations Initiative) របស់កម្ពុជា ដែលជាអ្នករៀបចំសមយុទ្ធ “ឆ្មាំអង្គរ ២០១០” នេះ បានប្រាប់វិទ្យុបារាំងអន្តរជាតិថា សមយុទ្ធបានប្រព្រឹត្តទៅដោយរលូន និងទទួលបានលទ្ធផលល្អប្រសើរ។ កម្ពុជា ដែលជាម្ចាស់ផ្ទះ មានឆន្ទៈបង្កើនតួនាទីរបស់ខ្លួន ក្នុងប្រតិបត្តិការរក្សាសន្តិភាពនៅលើពិភពលោក។លោក ប្រាក់ សុខុន ក៏បានរំឭកផងដែរថា សមយុទ្ធ ដែលរៀបចំនៅកម្ពុជានេះ មិនមែនជាការគំរាមកំហែងដល់សន្តិសុខរបស់ប្រទេសណាមួយនោះទេ។ វាជាសមយុទ្ធអំពីការរក្សាសន្តិភាព មិនមែនអំពីការធ្វើសង្រ្គាមនោះទេ។
