លោក តឹក វណ្ណារ៉ា៖ ទំនប់វារីអគ្គិសនីសេសានក្រោម២កំពុងសង់ដោយគ្មានតម្លាភាព
ចុះផ្សាយនៅថ្ងៃ៖
ស្តាប់ - ១១:៤២
ភ្ញៀវរបស់វិទ្យុបារាំងអន្តរជាតិ RFI នៅថ្ងៃសុក្រនេះគឺលោក តឹក វណ្ណារ៉ា ដែលជានាយកប្រតិ បត្តិវេទិកានៃអង្គការមិនមែនរដ្ឋាភិបាលស្តីពី កម្ពុជា។ នៅថ្ងៃនេះ ដោយបានបង្ហាញខ្សែវីដេអូឯកសារស្តីពីការប្រឈមរបស់ប្រជាពលរដ្ឋ ចំពោះមុខការស្ថាបនាទំនប់វារីអគ្គិសនីសេសានក្រោម២នៅខេត្តស្ទឹងត្រែង លោក តឹក វណ្ណារ៉ា អះអាងថា មានអ្នកភូមិពាក់ព័ន្ធចំនួន«៥០ភាគរយបដិសេធគម្រោងអភិវឌ្ឍន៍»នោះ ហើយ«៥០ភាគរយទៀតយល់ព្រមទាំងមិនទាន់ច្បាស់លាស់ទាក់ទងនឹងផែនការសំណង»។ ប្រធានអង្គការមិនមែនរដ្ឋាភិបាលរូបនេះទាមទារឱ្យការអភិវឌ្ឍន៍នោះមានតម្លាភាព។