ការចាក់ថ្នាំបង្ការ អាចជួយសង្គ្រោះ ជីវិតមនុស្ស ក្នុងមួយឆ្នាំៗ បានប្រមាណពី ២ទៅ៣លាននាក់។ គ្មានថ្នាំបង្ការ ការបំបាត់ជំងឺអុត ការកម្ចាត់ជំងឺគ្រុនស្វិតដៃស្វិតជើង និងជំងឺកញ្ជ្រិល ក្នុងបណ្តាប្រទេសជាច្រើននៅលើពិភពលោក មិនអាចសម្រេចបានឡើយ។ ពេលនេះ មានថ្នាំវ៉ាក់សាំងថ្មីៗជាច្រើនប្រភេទទៀតសម្រាប់ ការពារ ទាំងកុមារ ក្មេងជំទង់ មនុស្សពេញវ័យ ព្រមទាំងមនុស្សចាស់។ តែថ្វីបើដូច្នេះក្តី ក៏គេសង្កេតឃើញមានកុមារម្នាក់ក្នុងចំណោម៥នាក់ មិនបានទទួលការការពារដ៏ប្រសើរនេះ។ ថ្ងៃនេះជាឱកាសដែលលោកអ្នកត្រូវរើមើលសៀវភៅតាមដានសុខភាព និងនាំគ្នាទៅចាក់ថ្នាំបង្ការ ឱ្យបានត្រឹមត្រូវតាមវេជ្ជបញ្ជាកំណត់។
សប្តាហ៍ពិភពលោកនៃចាក់ថ្នាំបង្ការ ប្រារព្ធធ្វើជារៀងរាល់ឆ្នាំ នៅសប្តាហ៍ទីបួន (២៤-៣០ មេសា)នៃខែមេសា។ នៅឆ្នាំ២០១៥នេះ អង្គការសុខភាពពិភពលោក បានផ្តល់ប្រធានបទ « តើការចាក់ថ្នាំបង្ការរបស់កូនលោកអ្នកត្រឹមត្រូវគ្រប់ចំនួនដែរឬទេ ? »
ថ្នាំបង្ការ គឺជាអាវុធដ៏សំខាន់ និងមានប្រសិទ្ធភាពបំផុត ដែលពិភពលោកប្រើ សម្រាប់ការពារសុខភាព។ ថ្នាំវ៉ាក់សាំង អាចការពារមនុស្សគ្រប់វ័យ មិនថាក្មេងឬកុមារ ឬមនុស្សចាស់ទេ។
ហេតុអ្វីត្រូវចាក់ថ្នាំបង្ការ ?
គឺដើម្បីការពារសុខភាព ក្នុងពេលជីវិតរស់។ ថ្នាំបង្ការគឺអន្តរាគមន៍សុខភាពដែលមានប្រសិទ្ធិភាព និងនាំផលចំណេញបំផុត មិនធ្លាប់មានទេក្នុងប្រវត្តិវេជ្ជសាស្ត្រសម័យថ្មី ដាក់ឱ្យដំណើរការមក។ ថ្នាំបង្ការ មិនត្រឹមតែអាចការពារជីវិតកុមារមិនជួបគ្រោះកើតជំងឺ ខាន់ស្លាក់ តេតាណូស ស្វិតដៃជើង ប៉ុណ្ណោះទេ ថ្នាំបង្ការប្រភេទនេះមានតាំងពីយូរយារមកហើយ ហើយពេលនេះមានថ្នាំបង្ការថ្មីៗជាច្រើនផ្សេងទៀត សម្រាប់ការពារប្រឆាំងទប់នឹងជំងឺ រលាកសួត រលាកថ្លើម បេ របេង រាករូសបង្កឡើងដោយមេរោគរ៉ូតាវីរ៉ុស ដែលជាបុព្វហេតុចម្បងទីពីរនៃមរណភាពទារកនិងកុមារក្រោមអាយុ៥ឆ្នាំ។
លើសពីនេះទៅទៀត ក្មេងជំទង់ និងមនុស្សធំពេញវ័យ ក៏អាចបានទទួលការពារពីថ្នាំវ៉ាក់សាំងដែរ ដើម្បីប្រឆាំងនឹងជំងឺកាចៗមួយចំនួន ដូចជាជំងឺផ្តាសាយធំ រលាកស្រោមខួរក្បាល មហារីក។
អន្តរាគមន៍ដោយលោកវេជ្ជបណ្ឌិត សាន់ ចន្ទសឿន ប្រធានកម្មវិធីជាតិផ្តល់ថ្នាំបង្ការ នៃក្រសួងសុខាភិបាលកម្ពុជា។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ