ការផ្តល់គ្រឿងឥស្សរិយយសលើកទី១ជូនតំណាងរាស្ត្រក្នុងនីតិកាលទី៥រងការរិះគន់
រដ្ឋសភាបានធ្វើពិធីផ្តល់គ្រឿងឥស្សរិយយសលើកទី១ ជូនតំណាងរាស្ត្រដូចការគ្រោងទុកនៅរសៀលថ្ងៃព្រហស្បតិ៍ម្សិលមិញ។ ប៉ុន្តែ អ្វីដែលខុសពីការគ្រោងទុកគឺថា មានសមាជិកសភា៤៨រូប មិនបានមកទទួលកិត្តិយសរបស់ខ្លួន តាមព្រះរាជក្រឹត្យដែលបង្គាប់ឱ្យបំពាក់គ្រឿងឥស្សរិយយសជូនសមាជិកសភាទាំងអស់ដែលមានចំនួន១២៣រូប ដោយឥតចន្លោះ។ អ្នកដែលបានមក គឺតំណាងរាស្ត្រខាងគណបក្សប្រជាជនកម្ពុជា៥១រូប និងតំណាងរាស្ត្រខាងគណបក្សសង្គ្រោះជាតិ២៤រូប។ បន្ទាប់ពីបានទទួលគ្រឿងឥស្សរិយយសជាតូបការរួច លោក ឈាង វុន តំណាងរាស្ត្រខាងមតិភាគច្រើន បានថ្លែងថា «ភាសារបស់ប្រជាពលរដ្ឋគឺជាភាសាច្បាប់»។ ចំពោះអ្នកតាមដាន ការផ្តល់គ្រឿងឥស្សរិយយសជូនសមាជិកសភាចំនួន២ដងក្នុងមួយអាណត្តិដូច្នេះ គ្រាន់តែជា«ប្រពៃណី» ដែល«មិន»ឆ្លុះបញ្ចាំងអំពីតំណាងរាស្ត្រទេ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ១២:៥៧
